LlGC Llsgr. Peniarth 19 – tudalen 58v
Brut y Brenhinoedd
58v
239
y casteỻ. kynnuỻaỽ a|wnaeth+
pỽyt hoỻ seiri mein o|r a aỻ+
ỽyt y gaffel. ac eu dỽyn hyt
yno. A gỽedy dechreu gossot
y grỽndwal onadunt onad+
unt. kymeint ac a|wnelit
y dyd o|r gỽeith. Trannoeth
pan|gyuottit neur|daruyd+
ei y|r daear y lyngku heb wy+
bot dim y wrthaỽ. mỽy no
chyn·ny bei eiryoet vch y
daear. A gỽedy menegi hyn+
ny y ỽrtheyrn. govyn a|wn+
aeth y dewinyon beth a|w+
naei hynny. Ac yna yd er+
chis y dewinyon idaỽ keiss+
aw mab heb dat idaw
a|e lad a chymysgu y waet
a|r kalch. ac iraỽ y mein a|r
kalch ac a|r gỽaet hwnnw a
dineu y gỽaet yn|y grỽndỽ+
al yny safei y gỽeith veỻy.
Ac yna yd anuonet y bop ỻe
y geissyaỽ y kyfryỽ vab hỽn+
nỽ. A gỽedy dyuot deu o|r
kennadeu hyt y|dinas a|el+
wit gỽedy hynny kaer vyr+
din. nachaf niuer o weissy+
on Jeueingk yn chware yn
drỽs porth y dinas. A sef a|ỽ+
naeth y kennadeu dynessau
y edrych ar y gỽare. ac eisted
yn ỻudedic dyffygyaỽl ac
ymwarandaỽ am y neges yd
oedynt yn|y geissyaỽ. A gỽe+
240
dy bot y gỽeissyon yn gware
yn hir daruot a|wnaeth rwg
deu o·honunt. a|r neill oho+
nunt a elwit Myrdin a|r llall
a|elwit dunart. ac yna y dyw+
aỽt dunart ỽrth uyrdin py
achaỽs yd ymryssony di heb
ef a myui. nac y kynhenny
kanys dyn tyghetuenawl wyt
ti heb dat idaw a minheu a
hanỽyf o vrenhinawl lin o ble+
it mam a that a phan gigleu
y kenadeu yr ymadrodyon hynny
drychauel eu hwynebeu a wnae+
thant ac edrych ar vyrdin a
gofyn y|r dynyon a|oed yn eu
kylch pỽy oed y gỽas. Ac wynt
a dywedassant na wydynt
hwy py dat a|e henniỻassei ef.
y uam ynteu heb ỽynt y mae
yn vanaches ym·plith y ma+
nachesseu ereiỻ yn eglwys be+
A C yn|y ỻe kychỽyn [ dyr.
a|oruc y kennadeu ar
gỽnstabyl y dref. ac erchi idaỽ
o bleit y brenhin anuon myr+
din a|e vam yn diannot hyt
att y brenhin ỽrth wneuthur
y ewyỻys o·honunt. A gỽedy
eu dyuot hyt rac bronn y
brenhin. y haruoỻ yn anryde+
dus a|wnaeth y brenhin y vam
vyrdin. kann gỽydyat y han+
uot o vrenhinaỽl anedigaeth
Ac odyna govyn a|oruc idi. pỽy
| « p 58r | p 59r » |