LlGC Llsgr. Peniarth 19 – tudalen 52r
Brut y Brenhinoedd
52r
213
A C yn|diannot pan vu ba+
raỽt eu kyfreideu. kychw+
yn ar y|mor a|orugant. a|dy+
uot y borth totneis y|r tir. ac
yn|diannot kynnuỻaỽ a|aỻ+
yssant y gaffel o wyr ynys
brydein. a chyrchu eu gelyn+
yon. a gỽedy ymlad ac ỽynt
drỽy euyrỻit y gỽynuydedic
wr hỽnnỽ kaffel y vudugo+
lyaeth. A gỽedy mynet hynny
yn honneit dros y deyrnas.
ymgynnuỻaỽ a|wnaethant yr
hoỻ vrytanyeit hyt yn serce+
dyr. a gỽisgaỽ coron y deyrnas
am benn custennin. a|e urdaỽ
yn vrenhin ar ynys brydein.
a rodi gỽreic idaỽ a|hanoed o
dylyedogyon ruuein. ac a|va+
gyssit yn ỻys guelyn arch+
escob ỻundein. ac o|r wreic hon+
no y bu idaỽ tri meib. Sef oed
y rei hynny. Constans ac
emrys wledic. ac uthur benn+
dragon. A rodi a|wnaeth ef
gonstans y mab hynaf idaỽ
aruaeth y vanachlaỽc am+
phibalus yg|kaer wynt ỽrth
y wneuthur yn vynach. a|r
deu vab ereiỻ. emrys ac u+
thur a|rodet ar vaeth att
guelyn archesgob ỻundein.
Ac ympenn deu·deg mlyned
gỽedy hynny y doeth vn o|r
fichteit a|ry|vuassei wr idaỽ
214
kyn·no hynny. a galỽ y bren+
hin attaỽ megys yg|kyfrỽch
yn ỻe ysgyfalaf. A gỽedy gyru
paỽb y ỽrthunt y lad a|chyỻeỻ.
A C yna gỽedy ỻad custen+
nin uendigeit y kyuodes
anuundeb y·rỽg gỽyrda y
deyrnas am wneuthur bren+
hin. kanys rei a|vynnynt wne+
uthur emrys wledic yn vren+
hin. Ereiỻ vynnei wneuthur
uthur benn dragon. Ereiỻ a
vynnynt wneuthur vn o|e|ke+
nedyl. Ac o|r diwed gỽedy na
duunynt am hynny. Sef a|w+
naeth gỽrtheyrn gỽrtheneu
iarỻ oed hỽnnỽ ar went ac er+
gig ac euas ỽrth geissyaỽ y
vrenhinyaeth idaỽ e|hun. o|r di+
wed mynet hyt yg|kaer wynt
y ỻe yd oed gonstans yn vynach.
y mab hynaf y gustennin ven+
digeit ˄oed hỽnnỽ. A dywedut
ỽrthaỽ ual|hynn. Constans
heb ef dy dat ti yssyd varỽ
a|th vrodyr ditheu yssyd ry
jeueingk ỽrth wneuthur
brenhin o·nadunt. ac ny wel+
af|inneu o|th lin ditheu a|aỻo
bot yn vrenhin. Ac ỽrth hyn+
ny o|r bydy ditheu ỽrth vyg
kyghor i. ac achwenegu med+
yant a chyuoeth y minneu.
Mi a ymchoe˄laf wyneb paỽb
o|r deyrnas parth ac attat ti
| « p 51v | p 52v » |