Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 50r

Brut y Brenhinoedd

50r

205

yn ỻundein y gorchymynnỽyt
y guelyn archescob ỻundein
pregethu udunt. a menegi yr
ymadrodyon yd oed wyr ruue+
in yn|y adaỽ ganthunt. 
A c yn|y megys hỽnn y dech+
reuis yr archesgob y yma+
draỽd. arglỽydi heb ef kyt arch+
er ymi pregethu y chỽi. ys mỽy
y|m kymheỻir y wylaỽ noc y dy+
wedut pregeth ar ymadraỽd uch  ̷+
el rac truanet gennyf yr ymdi+
uedi a|r gỽander a|damchweiny+
aỽd ychỽi gỽedy yspeilyaỽ o vax+
en ynys prydein o|e marchogyon
a|e|hymladwyr. ac a|dihegis o·ho+
naỽch chỽi pobyl agkyfrỽys
yỽch heb wybot dim y ỽrth
ymlad. namyn yn achubedic
o amryuaelyon negesseu a|chyf+
newidyeu a|diwyỻodraeth y dae+
ar yn vỽy noc yn|dysc ymladeu.
Ac ỽrth hynny pan doeth aỽch
gelynyon y|ỽch* kymheỻassant
y adaỽ aỽch keibeu. a megys
deueit kyfeilornus heb uugeil
arnadunt kanny mynassaỽch
kymysgu aỽch dỽylaỽ ar dysc
ymlad. Ac ỽrth hynny pa hyt
y keissyỽch chỽi bot ruueiny+
aỽl arglỽydiaeth yn vn gobe+
ith yỽch ac yd ymdiredỽch yn
estraỽn genedyl ny beynt deỽ+
rach no chỽi pei na atteỽch y
lesged aỽch goruot. adnebydỽch

206

hefyt bot gwyr ruuein yn bli+
naỽ ragoch. ac yn ediuar gan+
thunt y saỽl hynt a|gymer+
assant dros vor a|thros dir
gan ymlad a|e gelynyon dros+
saỽch chỽi yn wastat. ac wei+
thyon y maent yn|dewis mad+
eu eu teyrnget yỽch ymlaen
diodef kyffroi ỻafur drossa+
ỽch beỻach. Pei bydewch chỽi
yr amser y bu y marchogyon
yn ynys brydein beth a|deby+
gewch chỽi. Ae yr hynny y te+
bygeỽch chỽi fo dynaỽl any+
an y ỽrthyỽch. a geni dynyon
yg|gỽrthỽyneb anyan. megys
pei genit o|r bilaen varchaỽc.
ac o|r marchaỽc vilaen. ac yr
disgynnu dyn y gan y gilyd
ny thebygaf|i goỻi onadunt
ỽy eu dynaỽl anyan yr hynny
kanys dynyon yỽch gỽneỽch
megys y dyly dynyon gelỽch
ar grist yny vo ef a rodo yỽch
lewder a rydit. A gỽedy teruy+
nu o|r archesgob y ymadraỽd
a|e barabyl yn|y wed honno.
kymeint vu y kynnỽryf yn
y bobyl a|r niuer. ac megys
y tebygit yn|deissyfyt eu bot
gỽedy kyflenwi o lewder. 
A c yn ol y parabyl hỽnnỽ
y rodes y rueinyeit ga+
darnyon dysgedigaetheu ar
ymladeu y|r ergrynedic bobyl
honno.