Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 29r

Brut y Brenhinoedd

29r

113

a|e uedyant. a thristau yn uaỽr
a|oruc. a medylyaỽ gofỽy y ver+
ch a|athoed y freingk idaỽ. Ac
ovynhau hynny heuyt a|wna+
eth rac mor digaryat y goỻ+
ygassei ef hi y ỽrthaỽ. ac eissyo+
oes ny aỻaỽd diodef y dianryde+
du mal y daroed a|chychwyn
tu a freingk a|wnaeth. A phan
yttoed yn mynet y|r llog. ac na
welei neb yn|y gylch namyn
ar y|drydyd gan|wylaỽ y dyw+
aỽt yr ymadraỽd hỽnn. Ae
chỽchỽi tyghetuenneu pa le
y kerdỽch chỽi dros aỽch gnot+
taedic hynt. pa achaỽs y kyffro+
assaỽch chỽi vyui eiryoet y ar
vyg|gwastat detwydyt. kanys
mỽy boen yỽ coffau kyuoeth
gỽedy coller. no chyt·diodef ag+
henoctit heb ordyfneit kyuoeth
kynno hynny. Mỽy boen yỽ gen+
nyf|i yr aỽr honn coffau vyg|ky+
uoeth a|m anryded yn|yr amser
hỽnnỽ. yn|yr hỽnn yd oed y saỽl
gant mil o varchogyon y|m
damgylchynu yn kerdet ygyt
a mi pan vydỽn yn ymlad a|r
kestyỻ ac a|r dinassoed. ac yn an+
reithaỽ kyuoeth vyg|gelynyon.
no diodef y poen a|r aghenoctit
a|wnaeth y gwyr hynn ymi y
rei a vydynt yna dan vyn traet.
Och vi a|dwyỽeu nef a|daear.
pa bryt y daỽ yr amser y gaỻỽyf

114

y dalu elchỽyl yn|y gỽrthỽyneb
y|r gỽyr hynn. Och gordeiỻa
vyg|karedic verch mor wir yỽ
dy ymadraỽd teu di. pan dywe+
deist. panyỽ ual y bei vyg|gaỻu
a|m medyant a|m kyuoeth a|m
Jeuegtit panyỽ veỻy y carut
ti vyui. Ac ỽrth hynny tra|vu
vyg|kyuoeth i yn gaỻu rodi rod+
yon paỽb a|m carei. ac nyt mi
a gerynt namyn vy rodyon
a|m deuodeu a|m donyeu. Ac ỽrth
hynny pan gilyaỽd y rodyon
y foes y caryat. ac ỽrth hynny
pa ffuryf y gaỻaf|i rac kewil+
yd adolỽyn nerth na chanhor+
thỽy y gennyt ti ỽrth ry sorri
ygkam o·honaf|i ỽrthyt|ti am
dy doethineb di. a|th rodi yn
dremygedic gan debygu bot
yn waeth dy diwed no|th chỽio+
ryd ereiỻ. a thitheu yn weỻ
ac yn|doethach noc ỽyntỽy.
kanys gỽedy a rodeis i o|da
a chyuoeth udunt ỽy y gỽna+
ethant ỽynteu vyui yn aỻ+
tut ac yn aghenaỽc o|m gw+
lat vy hun a|m kyuoeth. ac y+
dan gỽynaỽ y ovit ac aghyf+
nerth yn|y wed honno ef a do+
eth hyt ym paris y dinas yd
oed y verch yndaỽ. ac anuon
amylder o annercheu att y
verch a|wnaeth y dywedut y
ryỽ aghyfnerth a gyfaruu