Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 23r

Brut y Brenhinoedd

23r

89

eu a drychafel hỽyleu. a chyr+
chu y diffeithuor. a deg niwarna+
ỽt ar|hugeint y buant yn kerd+
et hyt yr affric. ac odyna y do+
ethant hyt ar aỻoryeu y pha+
risewydyon a hyt yn ỻynn yr
helyc. ac odyna yd aethant y+
rỽng ruscan a mynyd azaras.
Ac yna y bu ymlad maỽr ar+
nadunt y|gan genedyl y|pira+
tus. A gỽedy goruot o·nadunt
ỽy. kymryt ỻawer o yspeil y|pi+
ratas a|wnaethant. ac odyna
y kerdassant dros auon ma+
lyf yny doethant hyt y|morytan.
Ac y bu reit udunt yna o dlodi
bỽyt a diaỽt mynet y|r tir oc
eu ỻogeu. ac anreithaỽ y wlat a|w+
naethant yg|kolofneu erkỽlf. ac
yd|ymdangosses y voruorỽyn ud+
unt. a|damgylchynu eu ỻogeu.
ac y bu agos ac eu bodi o gỽbyl.
ac odyna y doethant hyt y|mor
teryn. a cheyr·ỻaỽ y mor hỽnnỽ
y kaỽssant pedeir kenedyl o aỻ+
tudyon troea. o|r rei a ffoassynt
gyt ac antenor o droea. ac yn
dywyssaỽc arnadunt corine+
us. gỽr hynaỽs oed hỽnnỽ go+
reu y gyghor o|r gỽyr. mỽyaf
y nerth a|e gedernyt a|e lewder.
Pei hymdrechei a|chaỽr. ef a|e
byryei mal y mab ỻeihaf. A
gỽedy ymadnabot o·honunt
gỽrhau a|oruc corineus y vrutus.

90

a|r bobyl a|oed gyt ac ef a hỽn+
nỽ ym·pob ỻe o|r y bei reit ỽrth
wr a ganhorthỽyei vrutus.
Ac odyna y doethant hyt ym
porth lygerys yg|gwasgỽyn.
a bỽrỽ agoreu a|wnaethant
yno. Ac yno y gorfỽyssassant
yn edrych ansaỽd y wlat se+
ith nieu. a seith nos. 
A C yn yr amser hỽnnỽ yd
oed goffar|ffychti yn
vrenhin yg|gwasgỽin a pheit+
taỽ. A gỽedy clybot o hỽnnỽ
disgynnu estraỽn genedyl
yn|y wlat. anuon a|wnaeth at+
tunt y wybot beth a vynnynt
ae ryuel ae hedỽch. ac ual yd
oed gennadeu goffar yn dy+
uot. y kyfaruuant a chori+
neus a deucann wr ygyt ac ef
yn hely yn forest y brenhin.
a|gofyn a|wnaethant pỽy a
gennattaassei idaỽ ef hely yn
forest y brenhin. kanys hen
deuaỽt yỽ yr dechreu. na dyly+
ei neb hely forest y brenhin
na ỻad y aniueilyeit heb y
gennat. ac y dywaỽt corineus
na cheissaỽd ef eiryoet gennat
am y kyfryỽ a hynny. Sef a
wnaeth vn o|r kennadeu y enỽ
oed ymbert anelu bỽa. a bỽrỽ
corineus a saeth. Sef a|wnaeth
corineus gochel y saeth ac ysgly+
fyeit y bỽa o laỽ ymbert. ac a|r