Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 133v

Brut y Tywysogion

133v

579

un·vam un·dat ac ef. Ac y car+
charaỽd myỽn geuyneu. am
geissyaỽ kyfran o dref y|dat
ganthaỽ. Ac yna y priodes y
dauyd hỽnnỽ dam em chwaer
y vrenhin ỻoegyr. drỽy deby+
gu gaỻel ohonaỽ kael y|gy+
uoeth yn ỻonyd hedychaỽl o|r
achaỽs hỽnnỽ. Ac yna y|dieng+
his Rodri o garchar dauyd y vra+
ỽt. A chyn diwed y vlỽydyn
y gỽrthladaỽd ef dauyd o von ac
o wyned. yny doeth drỽy auon
gonỽy. Ac yna yd ymbarato+
es yr arglỽyd rys ỽrth vynet
y lys y brenhin hyt yg|kaer
loeỽ. ac y|duc ygyt ac ef drỽ+
y gyghor y brenhin hoỻ dyỽ+
yssogyon deheubarth o|r a
vuassynt wrthỽynebwyr y|r
brenhiinNyt amgen. katwaỻa+
ỽn uab madaỽc o vaelenyd.
y gefynderỽ. ac einyaỽn clut
o eluael. y daỽ gan y verch.
Ac einyaỽn uab rys o warth+
reinyaỽn y daỽ y|ỻaỻ. a mor+
gan uab cradaỽc uab Jestin
o wlat vorgan. o wladus y
chwaer. a Jorwerth uab owe+
in o gaer ỻion. a seisyỻ uab
dyfynwal o went uch coet.
y gỽr oed yna yn briaỽt a
gỽladus chỽaer yr arglỽyd
rys. Hynny oỻ o|dywyssogy+
on a ymchoelassant yn hed+

580

ychaỽl y|ỽ gỽladoed gyt a|r
arglỽyd rys y gỽr a|oed gare+
dickaf gyfeiỻt gan y brenhin
yn|yr amser hỽnnỽ. drỽy ymcho+
elut kaer ỻion drachefyn y
Jorwerth uab owein. Yn|y ỻe
gỽedy hynny y ỻas seissyỻ
uab dyfynwal. drỽy dỽyỻ ar+
glỽyd brecheinyaỽc. ac ygyt
ac ef ruffud y vab. a ỻawer o
bendeuigyon gỽent. Ac yna
y kyrchaỽd y freingk lys seis+
syỻ uab dyfynwal. a gỽedy
daly gwladus y|wreic y ỻad+
yssant gadwalaỽdyr y vab.
a|r dyd hỽnnỽ y bu y druanaf
aerua ar wyrda gỽent. a|gỽe+
dy y gyhoedickaf danỻỽythedic*
dỽyỻ honno. ny beidaỽd neb o|r
kymry ymdiret y|r freingk.
Ac yna y bu uarỽ cadeỻ uab
gruffud drỽy ỽrthrỽm heint.
a|chlefyt. ac y cladỽyt yn ystrat
flur wedy kymryt abit y cref+
yd ymdanaỽ. Ac yna y ỻa* ric+
kart abat clerynaỽt myỽn ma+
nachlaỽc yn ymyl Remys y
gan nebun anfydlaỽn vynach
o vrath kyỻeỻ. Y vlỽydyn rac+
wyneb y bu uarỽ kynan abat
y ty gỽynn. a dauyd esgob my+
nyỽ. ac yn|y ol y dynessaaỽd pyrs
yn escob. Ac yna y kynhalyaỽd
yr arglỽyd rys wled arbennic
yg|casteỻ aber teiui. ac y gosso+
des