LlGC Llsgr. Peniarth 19 – tudalen 131v
Brut y Tywysogion
131v
571
a diruaỽr lu ganthaỽ hyt ym
penuro. yr vnuet dyd ar|dec o
galan hydref. ac y rodes y|r ar+
glỽyd rys geredigyaỽn. ac ys+
trat tywi ac ystlỽyf. ar velfre.
ac yn|yr haf hỽnnỽ yd adeily+
assei yr arglỽyd rys gasteỻ
aber teiui o vein a morter. yr
hỽnn a distrywassei kynno
hynny pan y duc y ar Jarỻ
clar. ac y dileaỽd robert uab
ystefyn. o nest uerch rys uab
tewdỽr. a|r nest honno oed vo+
dryb y rys. a robert yn gefyn+
derỽ idaỽ. a brodyr robert oed
dauyd escob mynyỽ. a gỽilym bas+
tart. Meibyon oed y rei hynny
y eralt ystiwart. Ac yna yd|a+
eth rys o gasteỻ aber teiui
hyt yng|kasteỻ penvro y ymdi+
dan a|r brenhin. y deudecuet
dyd o galan hydref. a duỽ sa+
dỽrn oed y dyd hỽnnỽ. ac yd
erchis rys gynnuỻaỽ y me+
irch oỻ a adaỽssei y|r brenhin
y aber teiui. mal y beynt bara+
ỽt ỽrth eu rodi idaỽ. A thran+
noeth duỽ sul yr ymchoeles
rys. ac ethol a|wnaeth chwe
meirch a phedwar ugeint
ỽrth eu hanuon drannoeth y|r
brenhin. A gỽedy dyuot hyt y
ty gwynn clybot a|wnaeth ry
vynet y brenhin y vynyỽ y
bererina. ac offrymaỽ a|oruc
572
y brenhin ym mynyỽ. deu gap+
pan cor o bali. ar vedyr cantor+
yeit ỽrth wassanaethu duỽ. ac
yd offrymaỽd hefyt dec|sỽỻt.
ac ervynneit a|oruc dauyd
uab geralt y gỽr oed escob
ym mynyỽ yna. y|r brenhin vỽyta
ygyt ac ef y dyd hỽnnỽ. A gỽr+
thot a|oruc y brenhin y gỽa+
haỽd. o achaỽs gweglyt gor+
mod dreul ar yr esgob. Dyuot
eissyoes a|oruc ef a|r escob. a|thry+
chanwr gyt ac ỽynt y|ỽ kiny+
aỽ. a rickart Jarỻ gỽr a dath+
oed o Jwerdon y ymgyueiỻyaỽ
a|r|brenhin. a ỻawer o rei ereiỻ
a ginaỽssant oc eu sefyỻ. Ac
yn ebrỽyd wedy kinyaỽ yd ysgyn+
naỽd y brenhin ar y veirch.
Glaỽ maỽr oed y dyd hỽnnỽ
a duỽ gỽyl vihagel oed. ac yna
yd ymchoelaỽd y benvro. A
phan gigleu rys hynny. anuon
y meirch y|r brenhin a|oruc.
a|gỽedy eu|gỽelet o|r brenhin.
kymryt a|wnaeth vn ar bym+
thec ar|hugeint o|e hetholedi+
gyon. A dywedut nat yr bot
yn reit idaỽ ỽrthunt y kymer+
assei ỽynt. namyn yr talu dio+
lỽch y rys a vei vỽy no chynt.
A gỽedy reghi bod veỻy y|r bren+
hin. dyuot a|oruc rys attaỽ.
a chael daỽn ac urdas rac y
vron. a rydhau a|oruc y brenhin
| « p 131r | p 132r » |