Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 130v

Brut y Tywysogion

130v

567

casteỻ rudlan y|nhegigyl. ac
eisted ỽrthaỽ tri|mis a|orugant.
A gỽedy hynny caffel y casteỻ
a|e dorri a|e losgi. a|chasteỻ
araỻ gyt ac ef. yr molyant
y gymry yn|hyfryt vuduga+
ỽl paỽb a|doeth y|ỽ gwlat. Yn|y
vlỽydyn rac·wyneb y ỻas gỽr+
geneu abat. a ỻaỽden y nei. y
gan gynan ac owein. Y vlỽy+
dyn rac·wyneb y rydhawyt
robert uab ystefyn o garchar
yr arglỽyd rys y gyueiỻt. ac
y|duc diermit uab mỽrchath
ef hyt yn Jwerdon gyt ac ef.
ac y|r tir y doethant y lỽch gar+
mon. ac enniỻ y casteỻ a|wnae+
thant. Y vlỽydyn rac·wyneb
y ỻas meuric uab adam drỽy
dỽyỻ yn|y gỽsc y gan uaredud
bengoch y gefynderỽ. Yn|diw+
ed y vlỽydyn mis tachwed. y
bu uarỽ owein gỽyned uab
gruffud uab kynan tywyssa+
ỽc gỽyned. gỽr diruaỽr y
volyant. ac anueidraỽl y
brudder a|e uoned. a|e gedernyt
a|e dewred yng|kymry. Gỽedy
aneiryf uudugolyaetheu. heb
omed neb eiryoet o|r arch a
geissei. Gỽedy kymryt penyt
a|chyffes ac ediuarỽch a|chym+
mun rinwedeu corf crist. ac oleỽ.
D Eg mlyned [ ac agenn.
a|thrugeint a chant a

568

mil oed oet crist. pan|ladaỽd
dauyd uab owein. howel uab ow+
ein y braỽt hynaf idaỽ. Y
ulỽydyn racwyneb y ỻas tho+
mas archesgob gỽr maỽr y
greuyd. a|e santeidrỽyd. a|e gyfy+
aỽnder a|e gyghor o annoc hen+
ri vrenhin ỻoegyr y pumhet
dyd gỽedy duỽ nadolic geyr bronn
aỻaỽr y drindaỽt yn|y gapel e
hun yng|keint. a|e esgobaỽl wisc
ymdanaỽ. a delỽ y groc yn|y
laỽ y ỻas ar diwed y offeren.
Y ulỽydyn honno y|mordỽya+
ỽd rickart Jarỻ tristig uab
gilbert vỽa kadarn. a chadarn
uarchaỽclu gyt ac ef y Jwerdon.
ac yn|y kyrch kyntaf y kymerth
porth lachi. A gỽedy gỽneuthur
kyueiỻyach a diermit vrenhin
ac erchi y verch yn briaỽt. ac
o nerth hỽnnỽ y kafas dinas
dulyn drỽy wneuthur diruaỽr
aerua. ac yn|y vlỽydyn honno
y|bu varỽ robert uab ỻywarch
ac y bu varỽ diermit vrenhin
largines. ac y cladỽyt yn|dinas
ferna. ac yn|y vlỽydyn honno
y magỽyt teruysc y·rỽg brenhin
ỻoegyr a brenhin freingk am
lad yr archesgob. kanys brenhin
ỻoegyr a rodassei yn veicheu y
vrenhin freingk. henri tywyssaỽc
bỽrgỽyn. a|thybaỽt Jeuangk y
vraỽt. Meibyon oed y rei hynny