Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 113v

Brut y Tywysogion

113v

499

a|dywedut ỽrthunt ual|hynn.
Duỽ a|n rodes ni yn ỻaỽ yn
gelynyon. ac a|n darostygaỽd
yn gymeint ac na aỻem gỽne  ̷+
uthur dim o|r a vei ewyỻys
gennym. Gỽahardedic yỽ yn+
ni baỽp o|r brytanyeit hyt
na|chyffredino neb o·honam
a chỽchỽi nac o vỽyt nac o
diaỽt nac o nerth nac o gan+
horthỽy. namyn aỽch keissy+
aỽ a|ch hely ym·pob ỻe. a|ch
rodi o|r|diwed yn ỻaỽ y brenhin.
y|ỽch carcharu neu y|ỽch ỻad.
neu y|ỽch dihenydyaỽ ỽrth
y vynnu. ac yn bennaf y|gor+
chymynnỽyt ymi a chadỽga+
ỽn nat ymgredem a chỽi. ka+
nys ny thebyc neb na chyt+
tuno tat neu ewythyr a|e
meibyon ac a|e nyeint. ka+
nys ot ymgedymdeithocka+
ỽn ni a|chỽchỽi neu uynet
dim yn erbyn gorchymyn+
neu y brenhin ni a goỻỽn
yn kyuoeth. ac a|n|carcherir
ninneu yny vom veirỽ. neu
a|n ỻedir. Ac ỽrth hynny mi
a|ỽch gỽediaf chỽi megys
kyfeiỻt. a mi a|ỽch gorchymyn+
naf megys arglỽyd. ac a|ỽch
eiryolaf megys car na de+
loch ford y|m kyuoeth i nac

500

nac y gyuoeth kadỽgaỽn mỽy
noc y gyuoeth gỽyr ereiỻ y|n
kylch. kanys mỽy o annodi+
gaetheu a geissir. noc yn er+
byn ereiỻ o|n bot yn gylus.
A|thremygu hynny a|wnaeth+
ant ỽy. eu kyuoeth a vynych+
ynt. ac o vreid y gochelynt
gyndrycholder y gwyr e|hune+
in. A Jorwerth a geissyaỽd eu
hymlit. a|chynnuỻaỽ ỻawer o
wyr a|oruc a|e hely. ac ỽynteu
a|e gochelassant ỽy bop ychy+
dic. ac yn vn doryf ygyt y kyr+
chassant gyuoeth uchtrut
hyt ym meiryonnyd. A phan
gigleu meibyon uchtrut hyn+
ny a|e teulu. ỽynt a|archyssant
y uchtrut amdiffyn y dir. ac
anuon a|orugant ỽynteu y vei+
rionnyd y beri y baỽp dyuot
attunt y ỽrthlad y gỽyr oc|eu
tir. kanys yn|gyntaf y dathoe+
dynt y|gyueilyaỽc yn|y ỻe yd
oed meibyon uchtrut. ac ny
aỻyssant eu gỽrthlad. Ac y+
na yd ymgynnuỻassant gỽyr
meiryonnyd heb ohir. ac y|doeth+
ant att veibyon uchtrut. Ac
ual yd oed owein a|madaỽc yn
eu ỻetyeu yng|kyueilyaỽc.
Trannoeth y bore aruaethu
a|wnaethant mynet y veiryon+
nyd.