Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 7v

Brut y Tywysogion

7v

gyssit. Ynn|y ryuel y|diffeithỽyt mon y|gann y|deu J*
iarll. Ac yd anuonyssit ef y|gann y|uraỽt a rodyon
y|murcart. Ac yna yd aeth cadỽgaỽn ynn dirgel hyt
ym|poỽys. ac anuon kennadeu a|oruc at rickert y
ystiỽart y|r brenhin. a chael kygreir gantaỽ a|oruc
y|geissaỽ hedychu ar brenhin py|ỽed|bynnac y|gallei.
A|e aruoll a|oruc y|brenhin a|gadel idaỽ trigyaỽ y
myỽn tref a gaỽssei y|gann y ỽreic oed ffrankes 
merch pictot sage. Ac yna yd achubaỽd madaỽc
ac ithel meibon ridit. rann cadỽgaỽn. ac yỽein y
vap o|boỽys. y|rei a|lyỽassant ynn anuolannus. ac
ny buant hedychaỽl y|rycgtunt e|hunein. Yg|kyf+
rỽg hynny ỽedy hedychu o gadỽgaỽn ar|brenhin.
y|kauas y kyuoeth nyt amgen keredigyaỽn gỽe+
dy y|phrynu y|gann y|brenhin yr cann punt. Ac
gỽedy clybot hynny ymhoelut a|ỽnaeth paỽb o|r|a
ỽesgerysit gylch o gylch. kanys gorchymynnin* y
brenhin oed na allei neb gynnal o|r rei a|oedynt
ynn pressỽylaỽ keredigyaỽỽn kynn o hynny na
gỽr o|r ỽlat na gỽr dieithyr uei. A rodi a|oruc y|bren+
hin y|cadỽgaỽn trỽy yr amot hỽnn yma. hyt na
bei gytymeithas na chyfueillach rygtaỽ ac oỽein
y|vab. Ac na adei idaỽ dyuot y|r ỽlat. ac na rodei i+
daỽ na|chygor na chussul. na nerth na channhorthỽy
ac odyna yd ymhoelaỽd rei o|r gỽyr. a athoed gyt
ac yoỽein y|Jỽerdon. A|llechu ynn dirgeledic a|ỽna+