Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 65r

Brut y Tywysogion

65r

no deg|mil o ỽyr y|brenhined herỽyd y|dyỽat rei o|r
gỽyr a|uu yn|y vrỽydyr. A gỽedy hynny o|gygor
y|gellygaỽd y ieirll vrenhin lloeger gann garcha+
ru y|rei ereill. Y|ulỽydyn honno y|trygyaỽd ky+
mry yn hedỽch y|gann y|saesson. A llywelyn ap grufud yn ty+
ỽyssaỽc ar holl gymry. Ac yna y|bu varỽ llywelyn ap
rys ap maelgỽn yr ỽythuet dyd o|r ystỽyll. Y
vlỽydyn racỽyneb dyỽ ieu kynn gỽyl y|trindaỽt y
diegis edỽard vab henri vrenhin o|garchar sym+
ỽnt mỽmford o|henford drỽy ystryỽ rosser mortmer
A gỽedy hynny y kynnullaỽd edỽard diruaỽ* lu o
ieirll a barỽnyeit a|marchogyon aruaỽc yn erbyn
simỽmt mwmford a|e gyt·aruollỽyr a|dyỽ maỽrth
nessaf ỽedy aỽst y|doethant ygyt hyt ymaes ef+
sam. A gỽedy bot garỽdost vrỽydyr yrygtunt. A
llad llaỽer o|bop tu y|dygỽydaỽd symỽmt mỽmford
A|e vap a|lluossogrỽyd o rei ereill. Y|ulỽydyn honno
vis maỽrth y bu varỽ maredud ap yỽein yn llann
badarnn vaỽr. Ac y cladỽyt yg|kabidyldy y|myne+
ich yn|ystrat|flur. Ac yna yd|etholet clemens pedỽe+
ryd yn bap. Y|vlỽydyn racỽyneb y diegis deu vap
symỽmt mỽmford o garchar y|brenhin. A|gỽedy
cadarnhav castell kelli ỽrda o|ỽyr ac aruev. Ac ym+
borth morỽydaỽ a|ỽnaethant y|ffreinc y|geissaỽ
nerth y|gann y kereint. A|e ketymeithon. a|phann
giglev henri vrenhin hynny kynnullaỽ diruaỽr