LlGC Llsgr. Peniarth 18 – tudalen 62v
Brut y Tywysogion
62v
uoeth. A|e rodi y|varedud ap rys. hep gynnal dim
idaỽ e|hun o|r tired goresgyn hynn eithyr clot. A
gobrỽy. Ac odyna y|goresgynnaỽd ỽerthrynyon
y|gann rosser mortmer. Yn|y laỽ e|hun. Ac yna y
kyssegrỽyt yr athro rys o gaer riỽ y|gann y|pab
yn escob ymynyỽ. Y|ulỽydyn racỽynep y|kyrchaỽd
llywelyn ap grufud. A maredud ap rys a meredud ap yỽein
A llaỽer o dylyedogyon ereill ygyt ac ef y|gyuoeth
grufud ap gỽenỽynỽyn. Ac y|goresgynnaỽd oll eithyr
castell y|trallỽg a rann o|dyfryn hafren. Ac ychy+
dic o gaer einaỽn. A|distryỽ a|ỽnaeth castell|ỽydydon
Yg|kyfrỽg hynny y|kynnullaỽd rys vychan ap
rys mechyll a|oed yn lloegyr ar dehol. diruaỽr bo*+
orth a|chedernnyt o varỽneit. A marchogyon o
loeger ygyt ac ef. Ac y|deuth hyt yg|kaer vyrdin
Ac odyno yn ỽythnos y|sulgỽyn duc hynt y|dinef+
ỽr. A gỽedy y|dyuot y|myỽn yr castell y delis y cas+
tellỽyr ef. a chyrchu a|ỽnaethant yn ỽraỽl y llu
A|dala y barỽneit. ar marchogyon vrdolyon. a
llad mỽy no dỽy vil o|r llu. pann llas y|gỽyr yn|y
kymereu oed hynny. Ac yna y|kyrchaỽd y|tyỽys+
sogyon y|dyuet. a|distryỽ a|ỽnaethant castell aber
corran. a|llann ystyphan. ac arberth. ar maen
clochaỽc. a llosci y|treuyd. Y|ulỽydyn racỽynep y
goresgynnaỽd llywelyn ap grufud gemeis. Ac y gỽnaeth gym+
ot rỽg maredud ap rys. a rys vychan y nei. Ac
| « p 62r | p 63r » |