Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 62r

Brut y Tywysogion

62r

dyuodyat y|vrodyr a|diruaỽr lu gantunt. A|chynn
penn vn|aỽr y|delit yỽein coch. Ac y|foes dauid ỽedy
llad llaỽer o|e lu ac* a|dala ereill. a ffo y dryll arall.
Ac yna y|carcharỽyt yỽein. Ac y|goresgynnaỽd
llywelyn gyuoeth yỽein. a dauid hep ỽrthỽynep idaỽ.
Y ulỽydyn honno y bu varỽ margret verch vael+
gỽn. gỽreic yỽein ap rotpert. Ac y prynỽyt y|gloch
vaỽr yn ystrat|flur y|trugein a|dỽy vorc ar|bymthec
ar|hugein. A|dỽy uu. Ac yn|y lle y|dyrchauỽyt. Ac
y kyssegrỽyt y|gann escob bangor. Ac yna amgylch
diỽed yr haf y|bu varỽ thomas ỽalis escop mynyỽ
Y|ulỽydyn racỽynep y|deuth edỽard vap henri
vrenhin iarll caerlleon y|edrych y|gestyll a|e tired
ygỽyned. Ac yna y doeth dylydogyon kymry at
lyỽelyn ap grufud ỽedy y|hyspeilaỽ o|e rydit. A|e kei+
thiỽaỽ a|menegi idaỽ yn gỽynvanus vot ynn
ỽell gantunt y llad yn ryuell* dros y|rydit no
godef y|sathru gann y hestronyon trỽy geithi+
ỽet. A|chyffroi a|oruc llywelyn ỽrth y dagreuoed. Ac o|e
hannoc hỽy a|e kygor kyrchu y|beruedỽlat.
A|e goresgyn oll kynn penn yr ỽythnos. A chyt
ac ef maredud ap rys gryc. Ac odyna y|kymerth
Veironnyd idaỽ e|hun. Ar rann a|oed eidaỽ edỽart
o|geredigyaỽn ef a|e rodes y|varedud ap yỽein.
A|buellt gyt a hynny. A|thalu y|varedud ap rys
gryc y|gyuoeth. gann ỽrthlad rys y|nei o|e gy+