Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 61r

Brut y Tywysogion

61r

ef anuones y|deu vroder hyt yn ffreinc y|gynullaỽ
nerth idaỽ o|sỽllt a gỽyr aruaỽc tra|drigyaỽd ef
ar vrenhines yn acrys. Ac odyna yd ennillaỽd
ef dinas damietam dracheuen gann lad anne+
iryf o|r sarascinnyeit.
DEg|mlyned a|deugein a deu cant a|mil oed
oet crist pann uu varỽ  prydein ỽedy
adaỽ y vn map yn etiued idaỽ. Y|ulỽydyn
racỽynep y bu varỽ gỽladus duy verch lyỽelin
ap ioruerth. Ac yn|diỽed y|ulỽydyn honno y|bu va+
rỽ morgant ap yr arglỽyd rys yn ystrat fflur
ỽedy kymryt abit y|creuyd ymdanaỽ. Y ulỽydyn
racỽyneb y bu gymeint gỽres yr heul ac y|ssych+
aỽd yr holl dayar gantaỽ hyt na|thyfaỽd hayach
dim ffrỽyth ar|y coet na|r maes. Ac na chaffat
pyscaỽt na mor nac auonyd. Ar haf hỽnnỽ a
elỽit yr haf tessaỽc. Ac yn diỽed y kanhayaf
hỽnnỽ y|bu gymeint y|glaỽogyd ac y|cudyaỽd
y|llifueireint ỽynep y|dayar hyt na allei drasych+
edoed y|dayar lygku y|dyfred. Ac y|llifhaaỽd yr
auonyd yny torres y pynt ar|melinev ar|tei
kyfagos yr auonyd. A chripdeilaỽ y  coedyd
ar perllannev. A gỽneuthur llaỽer o|golledeu ere+
ill. Yn haf y|ulỽydyn honno y|duc gỽilym ap 
gỽrỽaret gỽr a|oed synyscal yr|brenhin ar tir
maelgỽn Jeuanc drỽy orchymyn y|brenhin an+