Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 60r

Brut y Tywysogion

60r

idaỽ etiued. y|gỽledychaỽd yỽein coch. a llyỽelyn y
nyeint veibon grufud ap llywelyn y|vraỽt yn|y ol. Y|rei hynny
o gygor gỽyrda a|rannassant y kyuoeth yrygtunt
yn deu hanner Y|ulỽydyn honno yd anuones hen+
ri vrenhin nicolas dymulus a maredud ap rys. A
maredud ap yỽein y|digyuoethi maelgỽn vychan.
Ac yna y|goruu ar vaelgỽn. A|e eidaỽ ffo hyt yg
ỽyned at yỽein a llywelyn meibon grufud ap llywelyn. gann adaỽ y
gyuoeth y|estronyon. o achos bot brenhinaỽl allu
yn dyfuynnv paỽb o|r a|vei gyfun ar|brenhin ynn
erbyn yỽein a llywelyn. a maelgỽn. a|hyỽel ap maredud
o|ỽlat vorgan a|oed yna gyt ac ỽynt ygỽyned.
ỽedyr digyuoethi o|gỽbyl o iarll clar. A gỽedy gỽy+
bot onadunt hynny yd|ymgatỽassant yn|y my+
nydoed ar ynyalỽch. Y|ulỽydyn honno y bu varỽ
raỽlff mortmer. Ac yn|y le y|kyuodes rosser y|vap.
Y|ulỽydyn racỽynep y|bu varỽ hoỽel escop llann
elyỽ. yn ryt ychen. Ac yno y|cladỽyt. Ac yna y|bu
varỽ ansenl vras escob mynyỽ. Y|ulỽydyn honno
yr|vgeinvettyd o|vis hỽeuraỽr y|crynaỽd y|dayar
yn aruthyr yn gyffredin ar|traỽs yr holl teyrnas.
Y|ulỽydyn racỽyneb y|kymerth arderchaỽc vren
hin ffreinc a|e tri broder. Ac anneiryf o|luoed cristo+
nogyon ygyt ac ỽynt hynt y gaerussalem. Ac
am|diỽed y|vlỽydyn y|mordỽyassant y|mor maỽr.
Y|ulỽydyn honno. mis gorffenhaf. y|gỽnaeth grufud