Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 59v

Brut y Tywysogion

59v

aỽd henri vrenhin o|vordeỽs. Ac y|kyỽarssagaỽd y
kymry a|llaỽer o rei ereill yn agkyureithaỽl. Y
vlỽydyn racỽyneb y|bu varỽ rys mechyll ap rys
gryc. Y|ulỽydyn honno y keissaỽd grufud ap llywelyn dianc
o garchar y brenhin yn llundein ỽedy bỽrỽ raff
drỽy fenestyr y|tỽr allann a|disgynnv ar hyt y|raf
a|thorri y raff a|e syrthaỽ yny torres y|vynỽgyl.
Ac yna y|llityaỽd ddauid ap llywelyn a|dyuynnv y|holl ỽyrda
ygyt a ruthraỽ y|elynyon a|e gyrru o|e holl ter+
uynev eithyr a|oedynt y|myỽn kestyll. Ac anuon
kenadev a llythyreu a|oruc y|dyuynnv attaỽ holl
tyỽyssogyon kymry. A|phaỽp a|gyfunaỽd ac ef ei+
thyr grufud ap madoc. A grufud ap gỽenỽynỽyn. a morgant
ap hoỽel. A|llaỽer o golledeu a|ỽnaeth ef y rei hynny
A|e kymell o|e hanuod y|darestỽg idaỽ. Y|ulỽydyn
honno y|bu varỽ maredud ap rotpert pennkygho+
rỽr kymry ỽedy kymryt abit y creuyd yn|ystrat
flur. Y|ulỽydyn racỽynep y kynnullaỽd henri
 vrenhin gedernyt lloegyr. Ac iỽerdon. ar
veder darestỽg holl gymry idaỽ. Ac y|doeth hyt
yn|diganỽy. A|gỽedy cadarnhav y kastell. Ac adaỽ
marchogyon yndaỽ yd ymhoelaỽd y|loeger gann
adaỽ aneirf* o|e lu yn galaned hep y|cladu ỽedy llad
rei a|bodi ereill. Y|ulỽydyn racỽynep y bu 
varỽ ddauid ap llywelyn yn aber conỽy. mis maỽrth ac y|cladỽyt
ygyt a|e tat yn aber conỽy. A gỽedy nat oed o|e gorff