Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 51v

Brut y Tywysogion

51v

mys y|bu ymlad llogeu rỽg y|saesson ar|ffreinc.
A gỽedy dala llaỽer o|r ffreinc y|syrthaỽd y|uudygo+
lyaeth yr saesson. Ac odyna yn hyuryt yd ymhoel+
assant dracheuen ỽedy gỽarchae leỽys yn llunde+
in. Yg|kyfrỽg hynny o damỽeineu y kyniydaỽd
reinald y|breỽys ar brenhin. A phann ỽelas rys
Jeuanc. Ac yỽein meibon grufud ap rys. y|heỽythyr
yn mynet yn erbyn yr aruoll a|ỽnaethoed ỽrth
ỽyrda lloegyr. A chymry. kyuodi yn|y erbyn a|ỽn+
aethant. A gỽeresgyn buellt y arnaỽ oll eithyr
y castell. Ac yna y|llityaỽd heuyt llywelyn ap Joruerth ty+
ỽyssaỽc gỽyned yn erbyn reinalt y breỽys am
torri y|aruoll. Ac yd|arỽedaỽd y|lu hyt ym bre+
cheinaỽc ac y kyỽeiraỽd y|vydinoed ỽrth ymlad
ac aber hoddni. Ac aeruaethu* y|distryỽ oll. Ac
yna y|hedychaỽd bỽrdeisseit y|dref a llyỽelin.
trỽy rys Jeuanc. oed gymhodrodỽr* y·rygtunt.
gann rodi pum hỽystyl y|lyỽelyn o|vonhedigyon
y|tref ar talu can morc idaỽ cany ellynt y ỽrth+
ỽynebu. Ac odyna yd arỽedhaỽd y lu y|ỽhyr
dros y|mynyd du yn|y lle y|periglaỽd llaỽer o|e
sỽmerev. Ac yna y pebyllaỽd yn llann giỽc. a
gỽelet o reinallt ac o|ỽiliam breỽys y|diffeith+
ỽch. yd oed lyỽelyn yn|y ỽneuthur ar|y|gyuoeth.
ef a|gymerth hỽe marchaỽc vrdaỽl ygyt ac ef.
Ac a|doeth y ymrodi y lyỽelyn ỽrth y|gyghor. Ac