LlGC Llsgr. Peniarth 18 – tudalen 49v
Brut y Tywysogion
49v
ỽyssogyon kymry ygyt ataỽ. A chyrchu poỽys y
ryuelu a gỽenỽynỽyn a|e yrru ar ffo hyt ynn
sỽyd caer lleon. a goresgyn y kyuoeth oll idaỽ e
hun. Y|ulỽydyn honno y|deuth leỽys y|map hyna
y|vrenhin ffreinc hyt yn lloegyr trỽy aruollỽyr
lloeger gyt a|lluossogrỽyd maỽr. am·gylch sul
y|trindaỽt. Ac ofynhav a|oruc ieuan vrenhin
y|dyuodyat ef. A|chadỽ a|oruc yr aberoed ar
porthuaeu a|diruaỽr gedernit o|ỽyr aruaỽc y
gyt ac ef. A|phann ỽelas ef llyges leỽys ynn
dynessav yr tir kymryt ffo a|oruc tu a|chaer
ỽynt. a|dyffryn hauren. Ac yna y|tynnaỽd le+
ỽys tu a|llundein. Ac yno yd aruollet yn enry+
dedus. A|chymryt a|oruc gỽrogaeth y ieirll ar
barỽneit a|e gohodassei. A dechreu talu y kyfre+
itheu onadunt y|baỽp. A gỽedy ychydic o dydy+
eu yd|aeth tu a|chaer ỽynt. A|phann giglev ieu+
an vrenhin hynny llosci y|dref a|oruc. A gỽedy
cadarnhav y castell. kylyaỽ ymdeith a ỽnaeth.
Ac ymlad a|oruc leỽys ar castell. a|chynn penn
ychydic o|dydyeu y|gaffel a|oruc. a|chyrchu a|ỽn+
aeth ieuan vrenhin ardal kymry. a dyuot a
oruc y henfford a|llaỽer o|ỽyr aruaỽc gyt ac
ef. A galỽ ataỽ a|oruc reinallt y breỽys. A|thy+
ỽyssogyon kymry y erchi vdunt ym·aruoll
ac ef a|hedychu. A gỽedy na rymhaei dim
| « p 49r | p 50r » |