Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 37r

Brut y Tywysogion

37r

dinas dulyn trỽy ỽneuthur diruaỽr aerua.
Ac yn|y|ulỽydyn honno y bu uarỽ rotpert
uap llyỽarch. Ac y|bu uarỽ diermit urenhin
largines. Ac y cladỽyt yn|y dinas a|elỽit ferna.
Ac yn|y ulỽydyn honno y|magỽyt teruysc
rỽg brenhin lloegyr. a brenhin ffreinc. am lad
yr archescob. kannys brenhin lloegyr a|rodassei
yn ueicheu y brenhin ffreinc. henri tyỽyssaỽc
bỽrgỽyn. a|thybaỽt Jeuanc y|uraỽt meibon oed
y|rei hynny. y tibaỽt tyỽyssaỽc bỽrgỽyn. a iarll
fflandrys a|llaỽer o rei ereill pann ỽnaeth kymot
ar archescop hyt na ỽnaei argyỽed idaỽ byth.
A gỽedy clybot o laxendyr bap ry|lad yr arches+
cop anuon y lythyreu at urenhin ffreinc a|oruc
Ac at meicheu ereill. A gorchymyn vddunt trỽy
ysgymundaỽt kymell brenhin lloegyr y|dyuot
y|lys rufein y|ỽneuthur yaỽn am agheu yr ar+
chescob. Ac ỽrth hynny anesmỽythaỽ a|ỽnaeth+
ant o|bop aruaeth ar|y|teruyscu ef. A phann ỽel+
as henri urenhin hynny dechreu gỽadu hyt nat
o|e gyghor ef y|llas yr archescob. Ac anuon kenha+
deu a|ỽnaeth at y|pap y|venegi na|allei ef mynet
y|rufein trỽy achỽysson. Yg|kyfrỽg hynny y|kyl+
yaỽd rann uaỽr o|r ulỽydyn. a|thra yttoedit yn
hynny tu draỽ y|mor. y kynnullaỽd yr arglỽyd
rys uap o|r llu am|benn oỽein kyueilaỽc y|daỽ.