Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 2v

Brut y Tywysogion

2v

A dodi gaỽr a|ỽnaethant yg|kyll* yr ystauell yd oed ger+
ald. Ac ennynnv tapreu. a than yn|y tei ỽrth y llosci. a
duhunaỽ a|oruc gerald pann gigleu yr aỽr hep ỽybot
beth a|ỽnaei. Ac yna y|dyỽat nest ỽrthaỽ. na dos allann
y|r|drỽs cannys yno y|mae dy elynyon y|th|aros. namyn
dyret ym hol i. a|hynny a|oruc ef. a|hi a|e harỽedaỽd
ef hyt y|geudy. a|oed gyssylltedic ỽrth yr ystauell. ac
yno megys y|dyỽedir. fford y|dỽll y|geudy y|diegis. A
phann ỽybu nest y|ry|dianc ef. lleuein o|uyỽn a|oruc
a|dyỽedut ỽrth y|gỽyr a|oedynt allann. beth a|lefỽch
chỽi ynn ouer nyt ydiỽ yma y|neb a|geissỽch  
diengis. Ac gỽedy eu dyuot ỽy y|myỽn y|geis 
rugant ym|pob mann. a|gỽedy na|s caỽssant. dala nest
a|ỽnaethant a|e deu uab. a|e merch. a|mab arall idaỽ
ynteu o|garadỽreic. ac yspeilaỽ y castell a|e anreithaỽ.
A gỽedy llosci y|castell. A chunullaỽ anreith. a chyty+
aỽ a|hitheu. ymhoelut a|oruc dracheuen yỽ ỽlat.
Ac nyt ytdoed cadỽgaỽn y|tat ef ynn gydrychaỽl y+
na yn|y ỽlat. canys ef a|athoed y|poỽys ỽrth hedychu
y|rei a|oedynt anuun ac oỽein. ac a athoedynt y|ỽr+
thaỽ. a|phann gigleu gadỽgaỽn y|gỽeithret hỽnnỽ.
kymryt ynn drỽc arnaỽ gann sorr* a oruc ef hynny
o|achaỽs y|treis gyt a|ỽnathoedit a nest uerch rys.
a|heuyt rac ouyn llidyaỽ henri urenhin am sarha+
et y|ystiỽart. Ac yna ymhoelut a oruc a|cheissaỽ ta+
lu y|ỽreic a|e anreith y erlad ystiỽart dracheuen y