Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 2r

Brut y Tywysogion

2r

y|tir. Y gennedyl honn a|deissyuaỽd henri urenhin
ac adolygaỽd idaỽ castell le y pressỽylyaỽ yndaỽ.
Ac yna yd|anuonet hỽy hyt ynn ros. drỽy ỽrthlad o+
dyno y priodolyonn giỽdaỽdỽyr. y|rei a|gollassant eu
priaỽt ỽlat a|e priaỽt le yr hynny hyt hediỽ. Yg|kyf+
rỽg hynny geralt ystiỽart castell penuro a|rỽntỽ+
alaỽd castell a elỽit kenarth bychann. ac ansodi a
a*|ỽnaeth llehau yno y|holl oludoed. a|e ỽreic. a|e eti+
ued. a|e holl anỽylyt. a|e gadarnnhav a|oruc o|glaỽd
a mur. a|phyrth gỽarchaedic a|ỽnaeth o|gloeu. a|cha+
 n. Y ulỽydyn racỽyneb y|paratoes cadỽgaỽnn
 dynn ỽled y|bennaduryeit y|ỽlat. Ac y|gohodes
yr ỽled a|ỽnaethoed. oỽein y|uap o|boỽys. ar|wled hon+
no a|ỽnaeth ef y|nadolic. yr enryded y|duỽ. Ac gỽedy
daruot y ỽled honno. a|chlybot oỽein uot nest uerch
rys ap teỽdỽr gỽreic gerald ystiỽart. yn|y dyỽededic
castell ury. mynet a|oruc y|ymỽelet a|hi. ac ychydic
o|niuer yn|y getymdeithas. megys achares. ac uelle
yd oedynt. canys cadỽgaỽn uap bledyn. a|gỽaladus uerch
Riỽallaỽn. uam nest a|oedynt gefuenderỽ. a|chefnithe+
rỽ. A|bledynn a|riỽallaỽn ueibon kynnuyn a|oedynt
urodyr. y angharat uerch uaredud urenhin. A gỽedy
hynny o annoc duỽ y|doeth ef nosỽeith y|r castell. ac
ychydic o niuer ygyt ac ef. ual amgylch pedỽar|gỽ+
yr ar|dec. ỽedy ỽneuthur claỽd dan y|trotheu ynn dir+
gel hep ỽybot y|geitỽeit y|castell. Ac yna y|doeth hyt yr
ystauell. yd oed gerald a|nest y|ỽreic ynndi ynn kysgu.