Breudwd Rhyddiaith Gymraeg 1300-1425
English

LlGC Llsgr. Peniarth 18 – tudalen 25r

Brut y Tywysogion

25r

ap Meredud ar rei hynny oll yn gyfun a|gyỽeiras+
sant y bydinoed y aber teiui. ac y herbyn y|doeth es+
tefyn gỽnstabyl a|rotbert vab Martin. a Meibon
gerallt ystiỽart a gỽilym ap ont ar holl flemisseit
ar holl varchogyon ar holl freinc o|aber ned hyt yn
aber dyn. a gỽedy kyrchu y urỽydyr ac ymlad yn
greulaỽn o pop tu y kymerth y flemisseit ar norm+
anyeit fo herwyd eu harueredic deuaỽt. a gỽedy
llad rei o·nadunt a llosgi ereill a|thrychu tra* meirch
ereill. a dỽyn rei ereill y|ghethiỽet. a bodi y ran uỽ+
yaf megys ynuydyon yn yr afon. a|gỽedy colli am+
gylch teir mil a|e gỽyr yn drist aflaỽen yr ymhoel+
assant yỽ gỽlat. A gỽedy  hynny yd ymhoelaỽd y+
ỽein a chatỽaladyr yỽ gỽlat yn hyfryt laỽen ỽedy
cael y vudugolyaeth. yn anrydedus a chael diruaỽr
amylder o geith ac anreitheu a gỽiscoed maỽrỽeirthaỽc
ac arueu. Y ulỽydyn racỽyneb y bu vab llyfyr a|cha+
dernit ac|aduỽynder y deheuỽyr. yn|y ulỽydyn honno
y bu varỽ Gruffud ap kynan brenhin a|phenadur a|th+
ewyssaỽc ac amdiffynnỽr a|hedychỽr holl gymry. gỽe+
dy lliaỽs berigleu mor a|thir. gỽedy aneiryf anreith+
eu a budugolyaetheu ryueloed gỽedy goludoed eur
ac aryant a dillat maỽrỽeirthaỽc wedy kynullaỽ
gỽyned y phriaỽt ỽlat y rei a|daroed y gỽasgaru kyn
no hynny y ymrauaelon wladoed y|gan y|normany+
eit ỽedy adeilat llaỽer o|eglỽyseu yn|y amser a|e kys+