Breudwd Rhyddiaith Gymraeg 1300-1425
English

LlGC Llsgr. Peniarth 16 rhan i – tudalen 5v

Pwyll y Pader, Awstin

5v

sicut in celo et in terra.  Sef yỽ pwyll hynny. bit
dy ewyllys ti.  megys y mae yn nef ac yn|y daear. a  ̷
hynny drwy dagneued a|charyat.  y dryded arch yỽ.
erchi da amseraỽl neu da anyanaỽl.  ac y ỽelly y dywe+
dwni.  Panem nostrum cotidianum da nobis hodie.  A|hỽn
yỽ synnỽyr y geiryeu hynn Dyro di y ni arglỽyd yn
reidieu.  y rei ny allwn ni ymgynnhal yn|y byt beu+
nyd hebdunt. Sef yỽ y rei hynny.  Iechyt corph.  a bw+
yt a|diawt.  a|dillat.  ac ardymhereu coet a|maes a ffe+
theu eryll.  Ot eirch dyn gwrthlad drỽc y wrthaỽ.  tri
riỽ drỽc* yssyd.  Nyt amgen.  y drỽc a wnaetham kyn
no hynn.  A|hynny a|erchir trwy y geiryeu hyn.  Dimit+
te nobis debita debita* nostra sicut et nos dimittimus debi+
toribus nostris. A|llyma yỽ ystyr y geiryeu hyn.  Mad+
deu di y ni yn pechodeu.  megys y madeuwn ninneu eu
pechodeu y rei a wnaethant cam yn y·n|erbyn nineu.
yr eil drỽc yỽ yr hỽnn a|allo dyuot in rac llaỽ.  Ac y ỽe+
lly yd erchir yn rydhau o·honaỽ trwy y geiryeu hyn.
Et ne nos inducas in|temptationemSef yỽ hynny. na
at ti arglỽyd y ni dygwydaỽ ym|prouedigaeth. A|hyn+
ny yỽ kyt·synnyaỽ a|phechaỽt. a goruot arnam oc
an|gelynyon Trydyd drwc yỽ yr hynn yssyd arnam yn
gynyrchaỽl a|hỽnnỽ a|archỽn ni yn rydhau ohonaw
drwy y|geiryeu hyn. Set libera nos a|malo amen.  Sef
yỽ hynny.  rydhaa di ni·ni y gan y drỽc hỽnnỽ.  drỽc pech  ̷+
awt neu drỽc poen dros bechaỽt.  y seithuet arch yn  ̷
kyntaf a dodir yn|y pader.  Nyt amgen.  Sanctificetur