Breudwd Rhyddiaith Gymraeg 1300-1425
English

LlGC Llsgr. Peniarth 15 – tudalen 85

Ystoria Lucidar

85

drwc Ac o|e hemendenav* o|e gwydẏev megẏs y|poent gogonedvs o|welet y lleill
a|phan welhont y lleill yn|y poennev mw vyd ev llewenyd wyntev o|e di+
ang a|chyfvẏawn yw y|rei drwc o|e|hachos e|hvnein mynet yg|kyfvyrgoll
kannys o|e bod e|hvn y|dewissassant y|drwAc y|karant ac wynt a|vynn+
ynt y|byw yn dragywyd DiscipulusPaham y|gat dvw ẏ|r etholedigẏon bechv
Y dangos meint y|drvgaret wrthvnt. DiscipulusA|vydant iach yr etholedigyon
onny lavvryant. Magisterwẏnt a|gaffant y|deyrnnas drwẏ wediev nev drwy
lavvryev megys. y|dywedir drwẏ lawer o|drallodev ẏ mae reit yni dyvot y de+
yrnnas dvw kannẏs y rei bychein drwẏ chwerwed anghev a|devant y|r nef
A rei oedawc drwy lavvr kannẏs yscrivennedic yw yn tẏ vynn|tat i y|mae
llawer o|gyfvanhedev a|phawb a|geiff y|presswylvot herwẏd y|briawt lavvr
a|r mwyhaf y lavvr vchaf vẏd y le a|lleiaf y llavvr yssaf vẏd y le ac ny
dichawn neb lavvrẏaw mwy noc a|dangosso dwwawl rac* idaw ac ny|cheiff
amgen bresswylvot noc a|rac·welas dvw idaw kynn dechrev bẏt kannyt
eidaw neb onnẏt a|vynno dvw o|e drvgared velle nẏ dichawn y|rei drwc
gwnnevthvr mwy noc atto idaw dwywawl varn ac ny byd mwy ev
poen noc a|wyr dvw yr dechrev bẏt hẏt dilẏw ẏ|dẏlẏv onadvnt megys
y|dywedir kynn gwnnevthvr. onadvnt na da na drwMi a|geisseis esav
Ac a|geireis* Jacop a megẏs y|gwelir bot yn gamgylvs y|neb a|glẏwo llawer
y|wrth dvw ac nẏt vfvydhao idaw velle y|gwelir bot yn diargywed y|r neb
ny|chiglev dim y|wrth dvw Ac o|r achos hwnnw ny wnnaethant idaw dim
gwassannaethv onadvnt y|kreawdẏr drwy garv y|gyff·nessaf herwẏd anyan
megẏs y|dywedir na wna dim y|arall onnẏt a|vynnvt ytt||hvn Nẏ mẏnn
nep ledratta arnaw na dwẏn y|gymar na|e lad wrth hynnẏ na wnaet yntev
hẏnnẏ y arall a|phann tremynt dẏnẏon y|kyf·nesseiueit ẏn|ẏ ryw pethev
hẏnnẏ ẏ maent ẏn gwrthwynnebv y|r gwr ysyd wir garyat a|chanyt oes
gogyl ẏm* |ẏ bẏt nẏt adnapper dvw am hẏnnẏ nẏt oes esgvs wrth  
Discipulus A|dichawn y|neb ny wypont dim wrth dvw ac a|wnelont a|da a drwc
escvssodi. MagisterY neb nyt adnpo* nẏt adnabydir a|r neb nyt adnapont dvw
o|ffẏd a|gweithret megẏs y sarascineit dvw a|e kyfvẏrgolla wynt megys y
elynnyon a|r neb a|gretto y|dvw ac ny|wypont e|ywllẏs megys mileineit
ot ant yg|kyfvyrgoll ny|phoenir wẏnt yn orthrwm val y|dywedir gwas
nẏ wnel ewẏllẏs y arglwẏd ac ef heb y wybot gwaraffonn vechann a geiff
Pwy|bynnac drwẏ ethrẏlith a|wyppo ewyllẏs dvw ac nẏs gwnelont me+
gẏs yscolheigẏon. Drvdawch y|poenir ẏ|rei hynnẏ megẏs y|dywedir a wypo
ewẏlẏs* yr arglwyd ac nẏs gwnel Gwaraffonnev llawer a geiff hwnnw
a|pwy bynnac nẏ mẏnnont gwarandaw da Ac a|dremyckont dysgu yr
hynn a|dylẏẏnt y|gwnnevthvr dw|boen a|gaffant vn dros y|tremyc am