Breudwd Rhyddiaith Gymraeg 1300-1425
English

LlGC Llsgr. Peniarth 15 – tudalen 79

Ystoria Lucidar

79

dvw ẏ|r rei drwc. Magister O gwybẏdir ev bot yn honneit elynnyon y|dvw
ny dẏlẏir ẏ|dẏwedvt vdvnt kannẏs twyllwr yw y|neb a|adefvo kẏf+
vrẏnach arglwẏd y|r neb a|wẏpo ẏ|vot yn elẏn idaw odẏna y|gorchymẏnnir
val hẏnnẏ na|rodw·ch|wi y|bara benndigeit y|r kwAc na|vẏrrẏwch y|gemev
y|r moch Rac y|sathrv dan ev traet A|gwatwar amdanawch lle nẏ wẏper ha+
gen ev bot wẏnt vellEf a|dylẏir pregethv vdvnt o|e trossi y|r yawn a|r
arglwẏd a|bregethawd gynt y|bedẏr Ac ẏ|r ebystẏl am wybot bot Jvdas a|r
phals|tẏwyssogẏon yn tervyscv. DiscipulusA|dẏlẏir ev|godef wẏnt val y|godefvawd
krist Jvdas. MagisterEf a|dylyir ymgeffelybv ac wẏnt ynẏ del dvw e|hvn a|nithlen
gantaw y|dethol y|grawn o|blith y|pysswẏn Ac y|vwrw y|gwẏc ẏn|ẏ tan Ac
|dwẏn y|gwenith o|e ysgvborẏev. Gwrthledit dvw pob drwc y|wrthẏt gan
dẏ|gẏflehav ẏn|ẏ nef Ac velly y|tervyna ẏ|llẏvẏr kynntaf o|annssawd yr eglwẏs
B it lawen vẏ eneit. i. ẏnn ẏr arglwyd am rẏ|waret nywlen anwybot
y|arnaf|Ac am vẏ|golevhav o|baladẏr doethineb wrth hẏnnẏ tegwch ẏ|r
eglwẏs mi a|ervẏnnaf ytt gennatav ymi govẏn ytt pethev ereill etwa. Magister.
Govẏn yr hvn* a|vynnych a|thi a|glw* yr hẏnn a|chwennẏch*DiscipulusEf a|dẏwe+
dir am drwc nat dim a|rẏued yw  dvw kẏfvyrgolli engylẏon na dẏnẏon ẏr
gwnnevthvr peth heb dim ohonnaw os ryw beth yw drwc ef a|welir y|mae
y|gan dvw ẏ|bẏd kannẏs dvw a|wnnaeth pob peth Awrth hẏnnẏ kam yw
bwrw yg|kẏfvẏrgoll ẏ|rei a|wnnel drwc. MagisterGwir yw y|mae dvw a|wnnaeth
pob peth Awrth hẏnnẏ y provir nat dim drwc herwẏd gallv kannẏs
pob gallv ẏssẏd da a|r drwc nẏt oes allv idaw wrth hẏnnẏ nyt dim a|megys
|dẏwedir dellir ẏn|ẏ lle ny|bo golwc a|thẏwyllwch ẏn|ẏ lle ny|bo golevni
velly ẏ|bẏd drwc ẏn|ẏ lle nẏ bo|da kanẏt yttynt vn allv kanys tripheth
yssyd Creadvr a natvr a|gweithret creadvr megẏs y|defnẏdyev Natvr yw
megys yr hẏnn a|del y|gantvnt wynntev Gweithret megẏs yr hẏn a|wn+
nel dẏn nev a|odefvo dẏn nev aghel wẏmt* a|wnant pechodev Ac a|odefvant
poenev pechodev hẏnnẏ nys gwnaeth dvw yntev hagen a|e gadawd megẏs
y|dywedir Ny wnnaeth dvw anghev Ac nyt oed dim amgen o|bechawt
onnẏt na|wnneler y|gorchẏmẏn nev wnevthvr yr* erbyn ẏ|gorchẏmẏn Sef
w y|drwc na|chaffer da Sef yw hẏnnẏ llewenẏd a|theillwng yw kyfv+
yrgolli y|neb nẏ rodho dvw lewenẏd vdvnt Sef yw y|rei hẏnnẏ y|neb ny
wnel yr hẏn a|orchymynner vdvnt nev a|wnelont yn erbẏn a|orchẏmyn+
ner vdvnt. Discipulus Pwẏ yntev yssyd awdvr y|pechawt. Magister. ẏ|dẏn e|hvnn
a|diawl yn annogwr idaw Discipulus ae gorthrwm pechawt. MagisterPechawt dan
wybot y|vot yn pechawt ys|trymach no|r holl vyt a|pha|beth|bynnac o|drwc
nev o|pechawt a wneler Ef a|trossir o|gwbyl ar·volẏant y|dvw Discipulus Ponẏt
drwc llad kelein nev odineb MagisterDa yw llad kelein lawer gweith megẏs