Breudwd Rhyddiaith Gymraeg 1300-1425
English

LlGC Llsgr. Peniarth 15 – tudalen 66

Ystoria Lucidar

66

vdvnt caffel tal a|gobrwAc na elẏnt bechv byth. Paham y|creawd dvw
wyntev Ac ef yn gwẏbot y|bydei vdvnt mal y|bv o|achaws advrn y|weith+
ret kanys megẏs ẏ|dẏt y|lliwyd lliw dv val y|bo gwerthvorvssach y|lliw
gwynn nev|r coch vellẏ o|gyffelybrwẏd y|rei drwc y|bydant eglvrach ẏ|rei kyfyawn
Paham na|chreawd ef engylẏon ereill yn lle y|rei hẏnny Nẏs dẏlẏei onnẏ bei
rei kyfvrẏw a|r rei hẏnnẏ pei trickẏnt yn diboen yr hẏn|nẏ allei vot kanẏs yr
awr y|pechassant y dẏggwẏdassant discipulus a|wẏbẏd kythrevl pob peth o natvr angel Magister ef a
wybyd lawer nẏ wybẏd ef hagen bop peth a|megẏs y|mae manweidyach na+
tvr angel noc vn dẏn vellẏ y mae kyfvarwydach a|hvotlach noc ef Y pethev
a|dellont rac llav nẏ wydant dim ohonvnt eithẏr a|gynnvllont o|r pethev
a|aethant heibyaw a|chẏmeint Ac a|ganhattyo dvw vdvnt y wẏbot Medẏlẏ+
ev dẏnẏon a|e hewyllẏs nẏs gwẏr neb namẏn dvw e|hvn a|r neb ẏ|mynnho
dvw y|vnegi* idaw allant wyntev bop peth o|r a|vynnont Da nẏs mynnant
Ac nys gallant a|r drwc hagen y maent graff ac nẏ allaant* kymeint Ac
a|vynnont eithẏr kymeint Ac atto yr evgylẏon* da vdvnt beth a|dywedy
di am yr engylẏon da Gwedy kwẏẏmpaw y rei ereill y|kadarnnahawyt
wẏnt hyt na ellẏnt byth na dẏgwẏdaw na phechv Paham na|s gellẏnt
am na|s mynnẏnt Paham na|chadarn·hawẏt y|lleill velly can nat arho+
assant kẏhẏt a hẏnnẏ Ae cwymp y|lleill a|vv o achaws y kadarnnahav
wyntev Nac ef namẏn y|obrẏn onadunt kanẏs pann welsant vẏ y rei
drwc yn ethol drwc drwẏ syberwyt sorri a|wnnaethant a|glẏnv wrth y|da mw+
haf yn gadarn. Ac ym|pwẏth hẏnnẏ ẏn diannot y kadarnvhawyt* a|rei a|oed
anhẏspẏs kẏnn·o hẏnnẏ o|e gwynnvẏtedigrwẏd o hẏnnẏ allan hẏspẏs diev
oedynt Pa|rww* |lvn ẏsẏd ar yr engẏlẏon vn agwed a|dvw|o|rẏw vod kannys
megẏs y|tric llvn yr ynseil ẏn|ẏ kwẏr velle y|mae eilvn dvw yndvnt
wyntev a|e gyffelẏbrwyd Pa gẏffelẏbrwyd kyffelẏp ẏnt herwyd ev
bot yn olevni Ac angkorfforawl Ac yn gyfflawn o|bop peth Nyt oes
o|vywn natvr y|defnẏdyev dim annwybot vdvnt kanẏs yn dvw y|gwelant
bop peth a|phob peth o|r a|vynnont y wnevthvr wẏnt a|e gallant A vv lei
rif y|rei da ẏr dẏgwẏdaw y|rei drwc na vv namẏn ẏr kyflewni rif y|rei
etholedigẏon y|krewyt dẏn yn decvet o|ba beth y krewẏt dẏn o|gedernnẏt
corfforawAc vn ysprydawl o|r petwar defnẏd megẏs y bẏt Ac am hẏnnẏ
y|gelwir ef ẏ bẏt bẏchan kanẏs o|r daẏar y|mae y|gic o|r dwfẏr y|waet o|r
gwaet o|r awẏr y|anadyl o|r tan y|wres y|benn yn grwnn ar lvn kwmpas
y|nef Y|vron ẏn lle ẏ|mae y|chwythat a|r pessychv yn keffelybv y|r awẏr
yn|y lle y|kyffroir ẏ|gwynt a|r taranev Y|groth yn kymrẏt yr holl wlyb+
wr megẏs y|mor yn kymryt yr holl avonẏd Y|traet yn kynnal holl|bwẏs
y corff megẏs y dayar y|mae yn kynnal pob peth O|r tan nefawl y|olwc