Breudwd Rhyddiaith Gymraeg 1300-1425
English

LlGC Llsgr. Peniarth 15 – tudalen 136

Buchedd Fargred

136

ỽrthi dyret vargret y orffowys. Ac y|lewenyd iessu grist dy arglw+
yd. dyret y ternas wlat nef. Ac elchwil* y ỻef o nef a dywat
Gỽyn dy vyt ti vargret kanys coron y gỽir vywyt a gymere+
ist a|th wy˄rdoỽt a getweist. Ac yn yr awr honno y credassant pym
mil o wyr heb wraged a meibon a morynyon. Ac yna yd erchis oli+
ber enwir ỻad penneu paỽb o|r a gredassei yn iessu grist. Ac enkyt
aỽr gwedy hynny yd erchis Oliber ỻad pen Margret a chledyf. A heb
ohir yd ymauaelaỽd y keispylyeit yndi a|e dỽyn o·dieithyr y|di+
nas a gwedy y dyuot y|r ỻe. Malcus a dywaỽt ỽrthi ysten dy
warr ac aruoỻ dyrnaỽt y cledyf. A gỽynuededic vargret a
dywaỽt arho echedic hyny wediỽyf ac yn·y orchymynnaf vy
eneit y|r egylyon seint. Malcus a|dywaỽt. adolỽc kemeint ac a
vynhych o amser a|thi a|e keffy. Ac yna y dechreuis hi wediaỽ val hyn
Duỽ heb hi kanys tidi a vessureist a|th laỽ y nef a|r daear Ac a
ossodeist y|r mor teruyneu Na thebyget neb vot ỻaỽ neu troet
y duỽ pan wnaeth y nef a|r daear a|r moroed. Namyn ỻaỽ duỽ
yỽ ˄y nerth a|e aỻu a|e doeth·ineb a dodes messur a theruyn
ar bob creadyr. duỽ heb hi gwarandaỽ vyg|gỽedi a|chanyatta
y pop dyn oc a|scriuenho vym muched. i. a|m gweithredoed
neu a|e gwarandaỽho yscrifenu y enỽ ynteu yn ỻyfyr y wir
vywyt a|phan archo ef itti madeuant o|e bechodeu na omed ef
A phỽy bynhac a adeilho egl·ỽys y|m heno i neu a gosto* o|e
lafur e|hyn* goleuat yn|yr eglỽys yrof|i. na|dỽc ar gof yr dial
ar·naỽ y gam·weithredoed a|e argywed. A phỽ|bynhac yn vraỽt
aruthyr a ordiweder ar y kam o|r geilỽ ef ar·naf|i. Ac adolỽyn
vym porth r·ydha di ef o|e boen A phỽy   bynhac y|bo gantaỽ
yn|y dy vyg|gweithredoed. i. a|m buched yn yscrifenedic na at
eidi·gafu yndaỽ wreic y ar etiued Ac na at eni yndaỽ etiued
clof na daỻ na mut Ac na at y|r yspryd budyr kaffel methyl ar+
naỽ Ac ot erchi madeuant o|e bechodeu trugaraa ỽrthaỽ. A|thra
yttoed hi yn dewydut* hyn a llawer yn chỽanec ar y gỽedi. y
doeth tyruyn maỽr aruthyr A chyt a|r tyruyn y doeth colomen
a delỽ y groc gyt a hi. Ac ymdidan a|r wynuededic vargret