Breudwd Rhyddiaith Gymraeg 1300-1425
English

LlGC Llsgr. Peniarth 15 – tudalen 129

Buchedd Fargred

129

bonhedic kynn vvydet yd aey hi hyt na wrthwynebeuaed* kadỽ deueit y
mameth* gyt a morynyon ereill. Ac yn yr amser hỽnnỽ y damw+
einaỽd dyuot Oliỽer pennyadur awlat yr asia y|dinas an+
tioesAchaỽs y hynt oed keissaỽ methlu cristonogyon. A|e
dwyn y ahghret*A pheri ym* baỽb fford ac y kerdei o vren+
hinyaeth y araỻ y adoli eu dỽyeu ef. a|thremygu iesseu grist
a|phy|le|bynnac y|clewei* ef vot cristaỽn o|r ỻe   yd archei ef
cefyneu* heirn eu rỽymaỽ. A|chyt ac y gweles ef Margaret
santes yn kadỽ deueit y mameth* y chwenychu a oruc. a dwe+
dut vrth y wassanaethwyr. eỽch ar vrys a deloch y vorỽyn
racco a gofynnỽch idi ae ryd. Ac os ryd mi a kymeraf yn wre+
ic ymA da vyd idi y|m llys o achaỽs y|thegỽch. A gwedy y
dala hi o|r marchogyon a anuonassei y pennyadur hỽnnỽ. y
dechreuis y gogonedus vargaret galỽ ar iessu a dwedut val
hynnTrugarhaa ỽrthyf arglỽyd trugarhaa. A chyt a dynyon
enwir na at distryỽ ve. eneit na choỻi vy muchet gyt a gỽyr
creulaỽn. Par imi arglỽyd iessu grist ynot ti digrifhau y|th
voli. Naarglỽyd udunt varnu ve eneit y boen. Ac na at
lygru vyg|gret. na buttrau trỽy bechaỽt vyg|korff ac na at
y|enỽir dybrydỽch. Ac anoethineb kethreul. Symmut y synn+
wyr a|r gret a rodeist imi. Namyn anuon attaf aghel y|m ỻẏ  ̷+
waỽ ac y|m dyscu y atteb yn diuỽgyl obeithlaỽn kanys ke+
ffelybir imi yd|ỽyf. Megys dauat ẏmplith bleideu llyma
vi vegys sperwan. neu uchedyd rỽg grauagheu hebaỽc. Megys
vrithyll ỽyf|i gwedy dygoydei* mỽyn rỽyt. kanhorthỽya vi
arglỽyd gwaret vi arglỽyd. Ac nac adaỽ vi yn dỽylaỽ pe+
chaduryeitA chyt ac y kigleu y margogyon* a anuonassit
at vargaret. y doethineb hi a|e geireu ymhoelut a wnaethant
at eu harglỽyd a dwedut ỽrthaỽ. Nyt oes ar y vorỽẏn a|wel+
sam ni ofyn dy aỻu di. Ac ny wassanaetha nyt vfydhaa yt
Namyn duỽ hoỻ·gyfỽethaỽc a adola A iessv grist a|meg+
ys gwr y* groges yr idewon. A phan gigleu Oliver y geiryeu
hynny. lliỽ y deurud a|ssymudaỽd. Ac yna yd erchis y dwyn
hi ger y vron ef. Ac gwedy y dyuot. ef a|dywat wrthi