Breudwd Rhyddiaith Gymraeg 1300-1425
English

LlGC Llsgr. Peniarth 12 rhan ii – tudalen 57v

Ystoria Lucidar

57v

ac am hynny mỽyaf y credir kyfodi paỽp ac ymdangos yno
yn|yr oet ac yn|y messur y|damchweinyaỽd udunt vynet
odyma. discipulus Ae yn noethyon ae yn wisgaỽc y bydant ỽy no*Magister
Noethyon vydant a|disgleiryaỽ a|wnant o|bop tegỽch. ac ny
byd mỽy eu kewilyd ỽy o vn aelaỽt udunt noc o|e|ỻygeit. na+
myn iechyt vyd eu gỽisgoed ỽy. a|e heinyeu a vyd o wisc
ỻewenyd. a megys y byd am·ryuael gras y|r blodeu. megys
gỽynder y lilis. a|chochder y ros. veỻy y mae ac y credir bot
amryuaelder vlodeu neu liwoed yng|kyrff y seint. megys
amgen liỽ y|r merthyri. ac amgen y|r|gỽerydon. a|hynny a
gyfrifir yn ỻe gỽisgoed udunt. discipulus Am aỻu y seint. discipulus* A|aỻant
ỽy wneuthur yr hynn a|vynnont. Magister Ny mynnant ỽy wneu+
thur dim namyn da. ac ỽrth hynny ỽynt a|aỻant wneu+
thur yr hynn a vynnont. ac a aỻant vot yn|y ỻe y mynnont
heb olud. discipulus Pa beth a|wnant ỽy. Magister Galỽ ar|duỽ a|wnant ac
edrych arnaỽ a voli yn|yr|oes oessoed. ameNdiscipulus Pa volyant
yỽ yr|eidunt ỽy. Magister Molyant duỽ y gan y seint yỽ ỻawenhau
o edrych arnaỽ. discipulus A goffaant ỽy y drygoed a|diodefassant gynt
ar eu kyrff. Magister Ef a|daỽ cof udunt bop peth. discipulus A doluryant
ỽy am|hynny. Magister Ys mỽy y ỻawenhaant am oruot ohonunt
ar bopeth. megys dyn a|dihangei gynt o berigyl brỽydyr
ac a|datkanei yn ỻawen gỽedy hynny o|e gedymdeithyon.
discipulus Dy dauot eureit ti a|m duc i y oruchelder y daear. a|dyw+
et ym yr aỽr·honn am eu ỻewenyd ỽy. Magister Kymeint yỽ ỻewe+
nyd y seint. ac na|s gỽeles ỻygat. ac na|s|kigleu clust. ac na|s
medylyaỽd caỻon dyn yr hynn a|baratoes duỽ y|r neb a|e karo
ef. discipulus Beth yỽ hynny. Magister Buched dragywyd. dogyn o bop ryỽ