Breudwd Rhyddiaith Gymraeg 1300-1425
English

LlGC Llsgr. Peniarth 12 rhan ii – tudalen 45v

Ystoria Lucidar

45v

y|r engylyon ereiỻ no chyt·lawenhau o·nadunt yn|duỽ o ach+
aỽs yn ỻes ni. megys y dywedir. ỻewenyd a|vyd gan engyly+
on duỽ. am vn pechadur a|wnel y benyt yn|y byt hỽnn. yng
gỽrthwyneb y hynny. tristau a|sorri a|wnant am yn drycwe+
ithretoed ni. discipulus A vydant ỽy ar y daear yn wastat y·gyt a|r rei
y maent yn eu|kadỽ. Magister Pan vo reit ỽrthunt ỽynt a deuant
o|e nerthu. ac yn|bennaf pan wedier ỽynt. ac ny byd mỽy eu
godric yn|dyuot o|r nef y|r ỻaỽr. ac odyna drachevyn noc ennyt
vn voment. ac yr eu|dyuot attam ni ueỻy. ny thwyỻir ỽynt
yr hynny oc eu gogonyant o|vyỽn. kanys ỽynt a|welant wy+
neb y tat pa|du bynnac yd|anuoner ỽynt. discipulus Pa|ffuryf yd
ymdangossant ỽy y|r dynyon. Magister Yn ffuryf dyn. kanys am vot
dyn yn gorfforaỽl ny dichaỽn ef welet yspryt. ỽrth hynny y kyme  ̷+
rant ỽy corfforoed o|r awyr ual y gaỻo dyn eu|gỽelet ac eu clyw+
et. discipulus A vyd y dievyl yn pregeth* y dynyon yn|wastat. Magister Byd an+
eiryf onadunt yng|kyfeir pob gỽyt yn tynnu yr|eneideu yn
wastat ar eireu angkannadedic. ac yn menegi y eu tywyssa+
ỽc drygeu y dynyon dan chwerthin a gỽatwar. a|phỽy bynnac
o·nadunt ỽy y gorffo gỽirion arnaỽ. angel y gỽirion hỽnnỽ
a|e vỽrỽ ef y waelaỽt uffern yng|karchar. ac ny edir ef vyth o
hynny aỻan y ymrysson a neb o|r seint. a|e tywyssaỽc ỽynteu
a|dyry vn araỻ yn|y le ef. a megys y bwryỽyt dyn o baradwys
am oruot o|r diaỽl arnaỽ. veỻy ynteu y byrir diaỽl yng|kar+
char uffernaỽl pan orffo vn o|r seint arnaỽ. discipulus A aỻant ỽy
wneuthur aflonydỽch y|r neb a vynnont. Magister Ny aỻant ỽy vy  ̷+
net ym|plith y genuein voch ony bei y gannatau o|duỽ udunt.
Corff dyn drỽy vedyd yssyd demyl y|r yspryt glan gỽedy ry gys  ̷ ̷+