LlGC Llsgr. Peniarth 11 – tudalen 9v
Ystoriau Saint Greal
9v
ar|benn y linyeu geyr bronn y creiryeu. Ac a|dyngaỽd ar
y|gret ar y|gret a|dylyei o|e arglỽyd. ar gynnal ohonaỽ y
keis hỽnnỽ a|r bererindaỽt arnaỽ vndyd a|blỽydyn. a|mỽy
o|r bei reit; ac na deuei vyth y|r ỻys dracheuyn yny wypei
diheurỽyd y ỽrth seint greal o|r geỻit y|wybot o neb ryỽ vod.
A|gỽedy hynny laỽnslot a|dyngaỽd a gỽalchmei a|pheredur
a bỽrt. a|lionel. a|chỽbyl o|r milwyr ereiỻ pob un yn ol y gilyd.
ac ueỻy y kaffat wedy|r dyngu wyth a|deugein a chant. a ̷
hynny o wyrda oỻ heb vn dyn angkalonnaỽc onadunt. ac ̷
yna kymryt tameidye* a|diodyd a|orugant. A gỽedy daruot
hynny ỽynt a|wisgassant eu helmeu am eu penneu. ym·an+
nerch ac ymiachau a|orugant a|r vrenhines. a|phan we+
las hitheu na|thygyei eiryaỽl arnadunt trigyaỽ hỽy
no hynny. kymryt y tristit mỽyhaf a|r dolur a|oruc hitheu
yn gymeint a|phei y hoỻ genedyl a|e chedymdeithyon yn
veirỽ geyr y bronn. ac rac adnabot arnei hi hynny.
kyrchu un o|r ystaueỻoed a|digỽydaỽ y myỽn un o|r gỽ+
elyeu a|oruc hi. ac ymovidyaỽ yno. hyt nat oed caỻon
yr cadarnet uei nac yr kalettet na neb o|r|a|e gỽelei ny ̷
bei drỽm a|thruan ganthaỽ edrych arnei. A gỽedy bot
laỽnslot yn baraỽt. nyt reit govyn a|oed drist ynteu
am y govit a|oed ar wenhwyuar. a|dyuot a|oruc ef tu
a|r ỻe y gỽelsei ef hi yn mynet. a|phan y gỽelas hi evo
yn|y|arueu yn dyuot. dywedut a|oruc hi val|hynn. Ha
laỽnslot heb hi ti a|rodeist imi vy anghev. pan vych yn ̷
mynnv gadaỽ ỻys vy arglỽyd vrenhin. i. ac yn mynet
| « p 9r | p 10r » |