Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 96r

Ystoriau Saint Greal

96r

lauuryaỽ. Ac ar hynny bỽrt a|esgynnaỽd ar y varch. ac a|dyỽ+
aỽt. arglỽydi heb ef ony welỽch chỽi vyui yn|ehegyr. nac arho+
ỽch vi o|dim. namyn kerdỽch ỽrth aỽch anturyeu. a|phan vo
hỽyraf avory aet baỽp o|e fford ar neiỻ tu. yny dycko duỽ ni
y·gyt drỽy yr anturyeu y mynno ef y lys brenhin peleur. Ac yna
pob vn a orchymynnaỽd y gilyd y duỽ. a bỽrt a|aeth ymeith yn
ol y marchaỽc urdaỽl a|oed yn|ffo. Ac yma y|mae yr ymdidan
yn tewi amdanaỽ efo ac yn|traethu y ỽrth galath a|pheredur.
L lyma ual y|mae y kyfarỽydyt yn traethu bot galaat˄h a|phe+
redur yn|y capel y nos honno yn gỽediaỽ duỽ ar uot
yn|ganhorthỽy y vỽrt pa le bynnac y delei. Trannoeth y bore
pan|gyfodassant ỽynt a|esgynnassant ar eu meirch ac a|doeth  ̷+
ant tu a|r|casteỻ y edrych pa delỽ y dianghyssei y bobyl a|oed yno.
A phan|doethant ỽy|no* ỽynt a|welynt y muryoed wedy syrthyaỽ
y|r ỻaỽr. a|r tei wedy ỻosgi. Ac yna ef a|uu ryued ganthunt na
welynt neb o|r pobloed yno. ac a|edrychassant y vyny ac y wae+
ret. ac yn|y ỻe y buassei y neuad ỽynt a|welynt yno y marcho+
gyon urdolyon a|r gỽraged yn veirỽ. A|phan|weles galaath hyn+
ny. ef a|dywaỽt ỽrth beredur. rof|i a|duỽ heb ef. ỻyma yspryda+
ỽl dial. ac ny dathoed hynn vyth pany bei yr kyflenwi ỻit duỽ.
Ac ual y bydant yn ymdidan ueỻy ỽynt a|glywynt lef yn dyw+
edut ỽrthunt. ỻyma ual y|dialaỽd duỽ angleu* y morynyon da
y rei a|goỻassant eu heneidyeu yn|y ỻe hỽnn yr iachau pecha  ̷+
duryes drỽc angkywir. Pan glywssant ỽy hynny ỽynt a|dyỽ+
edassant mae da|digaỽn y dialyssit arnunt. A gỽedy edrych
ruthur o·honunt ar y ỻadua honno. ỽynt a|doethant y vyn+
nỽent