Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 3v

Ystoriau Saint Greal

3v

Gwalchmei heb y laỽnslot. gỽybyd yn|ỻe gỽir y kyhỽrd y cledyf
hỽnnỽ yn kyn nesset itt ac na|s mynnut yr kasteỻ. Arglỽyd heb
y gwalchmei ny aỻaf|i dim ỽrth hynny. Eissyoes pei ron idaỽ
vy ỻad i mi a vynnỽn gỽplav ewyỻys vy ewythyr. Pan|gigleu y
brenhin hynny. ediuar vu ganthaỽ gyrru gỽalchmei myỽn
perigyl kymeint a hỽnnỽ. a galỽ ar beredur a|oruc. ac erchi i+
daỽ provi tynnv y cledyf o|r maen. Mi a|wnaf yn|ỻawen heb ef yr
kynnal kedymdeithyas a|gỽalchmei. a|roi y laỽ ar y cledyf a|oruc.
a|phaỻu heuyt arnaỽ y|dynnu. Ac yna paỽb a|gredassant bot
laỽnslot ar y wirioned. Ac yna|kei a|doeth ac a|dywaỽt ỽrth ar+
thur Myn|ỻaỽ vyng|kyfeiỻt heb ef ti a|eỻy beỻach vynet y vỽy+
ta kany phaỻaỽd arnat gỽelet a|chaffael peth enryued. aỽn
ninneu heb y brenhin. Y|r ỻys y doethant. a|gỽedy ymolchi paỽp
a|aeth y eisted y|ỽ gynnefaỽt le. A gỽedy mynet paỽp ef a|welat
na buassei gyn|gyflaỽnet ỻys arthur eiryoet a|r dyd hỽnnỽ. kan
nyt oed vn eistedua yn wac onyt yr eistedua beriglus e|hun. Ac
gỽedy dyuot y gỽassanaeth kyntaf attunt. ef a|doeth damchw+
ein a|oed gyn|ryuedet ac y kaeaỽd kỽbyl o drysseu a|ffenestri y neu+
ad heb vndyn yn roi y|laỽ arnadunt. ac yr hynny nyt oed dyw+
yỻach arnadunt no chynt. a|phaỽb a|ryuedaỽd hynny. A|r bren+
hin yna a|dywaỽt ỽrth y varwnyeit. Arglỽydi heb ef ỻyma|dam+
chweinyeu ryued. a|phan yttoedynt ueỻy yn ymdidan am hynny.
nachaf y gỽelynt gỽr prud yn|dyuot y myỽn. a|diỻat gwynnyon
ymdanaỽ. heb wybot o neb o|r a|oed yn|y neuad pa fford y dathoed
ef y|myỽn. ac yn|y laỽ ynteu marchaỽc urdaỽl ieuanc. ac aruev
cochyon ymdanaỽ. ac heb gledyf. a|r aỽr y doeth ef y myỽn ef