Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 39v

Ystoriau Saint Greal

39v

ar|hyt y fford yd athoed y gỽas idi. a|r march y buassei ef yn
y geissyaỽ gan y gỽas y·danaỽ. ac ef a|adnabu beredur y|march
ac eissyoes nyt yttoed ef yn tybyeit mae o dreis y dugassei
y marchaỽc ef. Ac ym|penn talym wedy hynny nachaf y
gỽas yn|dyuot y·dan udaỽ a|gỽeidi. A|phan|weles ef beredur
ef a|ovynnaỽd idaỽ a|welsei y marchaỽc yn mynet heibyaỽ.
Gỽeleis heb y peredur. A|phaham yd ỽyt ti yn|y ovyn ef. Arglỽ+
yd heb ynteu ef a|duc y march y gennyf y dreis. ac neur
daruu idaỽ vy ỻygru kanys vy arglỽyd a|m ỻad pa|le bynnac
y|m kaffo. Beth a vynny di ymi ỽrth hynny heb·y peredur.
ny aỻaf|i y beri ef ytti. Arglỽyd heb ynteu dos di ar|gevyn yr
hacknei hỽnn ac o|r geỻy di enniỻ y march arnaỽ ef bit teu
dy hun. Pa delỽ heb·y peredur y keffy di dy varch os y|ỻaỻ
a|enniỻaf|i. Arglỽyd heb ynteu mi a|deuaf y|th ol di ar vyn|tra+
et. Ac yna peredur a|wisgaỽd y|helym ac a|esgynnaỽd ar
gevyn yr hacknei. ac a|draỽaỽd yn|y ol o nerth traet y y
march. a|gỽedy gadaỽ y fforest ef a|doeth y weirglodyeu tec
Ac yna ef a|arganuv y marchaỽc yn|kerdet yn amdrỽsgyl.
a|pheredur a griaỽd arnaỽ ac a|erchis idaỽ roi y varch y|r
gỽas drachevyn. a|dugassei y dreis arnaỽ. ~ ~  
A |phan|gigleu y marchaỽc hynny ef a ymchoelya+
ỽd att beredur dan ostỽng gỽaeỽ idaỽ. A|pheredur
ynteu a|dynnaỽd y gledyf kanys nyt oed ganthaỽ aryf
amgen. Ac yna y marchaỽc yr hỽnn a|oed chwannaỽc y
ymrydhau y|ganthunt a|doeth ac a|drewis yr hacknei yn|y
dỽy·vronn yny vyd yn varỽ y|r ỻaỽr. ac yr|aỽr y daruu idaỽ