LlGC Llsgr. Peniarth 11 – tudalen 39r
Ystoriau Saint Greal
39r
yr duỽ aros yny gaffei ymdidan ac ef. Ac ynteu nyt atteba+
ỽd idaỽ. A|pheredur ynteu nyt oed idaỽ dim o|r march ar y
draet a|aeth yn|y ol gynt ac y gaỻaỽd. Ac yna ef a|gyfaruu
ac ef gỽreang ar gevyn hacknei. ac a march arueu teckaf
o|r a|welsei dyn eiryoet yn|y laỽ. A|phan y gỽeles peredur ef
ny wydyat beth a|wnaei kanys o|e anuod ny mynnei ef gael
y march. Ac yna|kyvarch gỽeỻ y|r gỽas a|oruc ef. a|r gỽas a|e
hattebaỽd ynteu. A vnbenn heb y peredur. mi a|vydỽn varcha+
ỽc urdaỽl ytt a gỽas. ac a|dalỽn y bỽyth ytt pan y gaỻỽn. yr
benthygyo ym y march yny odiwedỽn y marchaỽc urdaỽl a
wely di yn mynet racko. Nys|gaỻaf heb y gỽas o neb|ryỽ fford.
kanys y neb pieu y march a|m ỻadei j ony|s|dygỽn idaỽ. Och
heb·y peredur. yr duỽ gỽna yr hynn yr|ỽyf yn|y erchi ytt. kanys
myn|duỽ ny bum kyn|dristet eyrmoet ac o|r coỻaf y marchaỽc
racko o|eissyeu march. Myn duỽ heb y gỽas ony|s dygy di y
dreis ny cheffy di varch gennyf|i. Pan gigleu ynteu hynny
ny wydyat beth a|wnaei o dristit. mileindra ny mynnei ynte+
u y wneuthur a|r gỽas. ac yna diosc y|helym y am y benn a
chymryt y gledyf yn|y laỽ. ac erchi y|r gỽas yr duỽ lad y benn.
kanys myn vyng|kyffes heb ef gỽeỻ yỽ gennyf vy marỽ no|m
byỽ wedy coỻwyf y marchaỽc racko. Myn|duỽ heb y gỽas os
da gan|duỽ ny ladaf|i dy benn di. na|r march ny|lyuassaf|inneu
y roi y ti. ac yna yd aeth ef ymeith. A|pheredur a|drigiaỽd yno
yn|drist ovalus ual y tebygei y varỽ yn|y ỻe. a|phan ytttoed
ef yn ymdoluryaỽ veỻy ef a|glywei drỽst march. ac yna agori
y lygeit a|oruc ac arganuot marchaỽc urdaỽl aruaỽc yn dy+
vot
| « p 38v | p 39v » |