Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 32r

Ystoriau Saint Greal

32r

aỻaf beidyaỽ ac ef. Peredur heb hi. a vynny di ymlad ac
ef. ac a|wyt chwannaỽc di y|th lad ual y|ỻas dy vrodyr oc eu
hymladeu a|e tỽrneimyeint. a Jaỽn maỽr yỽ y|th genedyl di
o|th ledir ual y ỻas wynteu. a|gwybyd di yn ỻe gỽir ot ym+
ledy di ac efo ti a|goỻy|dy eneit. Gwir yỽ dechreu pererin+
daỽt y greal. a mi a|debygaf dy vot ti yn vn o|r kedymdeithy+
on. a|thi a|geffy enryued a|vo mỽy noc a|debygy o pheidy
ac ymlad a|r marchaỽc. kanys ni a|wdam yn|y wlat yma
ac yng|gwledyd ereiỻ y|byd reit y orffen pererindaỽt y gre+
al tri marchaỽc urdaỽl gwerthuaỽr. y rei a|geiff y glot o+
dieithyr paỽb. a|r deu a|vyd marchogyon gwyry. heb wneu+
thur pechaỽt godineb o|e|kyrff eiryoet na|e vedylyaỽ. Y
trydyd a|vyd diweir. kystal yỽ hynny ac na bu idaỽ wreic ei+
ryoet onyt vn weith. a|r weith honno y kaffat arnaỽ som
a|phrofedigaeth. ac ny byd vyth idaỽ mỽy. ac am hynny y ge+
lwir ef yn|diweir. ac un|o|r deu wyry yỽ y marchaỽc yr|wyt ti
yn|y geissyaỽ. a|thitheu vyd yr eil. a|r trydyd yỽ bwrt. drỽy
y tri hynny y byd gorffennedic y keis. a chanys ordinhaaỽd
duỽ y tri hynny yn wanedic*.  ymwagel ditheu rac ymlad
ac efo. kanys ot ymledy di ac efo yd|wyt dy hun yn mynnv
dy goỻi. kanys heb petruster goreu marchaỽc urdaỽl yỽ ef
o|r|hoỻ vyt. Arglwydes heb ef. ef a welir ymi yn herwyd dy
ymadraỽd di y gỽdost ti pa vn ỽyf|i. Gỽn rof|i a|duỽ heb|hi
a|mi a|dylyaf y wybot. kanys dy vodryb di wyf|i. a|m nei
inheu ỽyt titheu. ac na symlet arnat ti vyng|gwelet i my+
ỽn abit kynndrỽc a hỽnn. a|gwybyd di yn ỻe gwir mae myvi