Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 247r

Ystoriau Saint Greal

247r

onadunt ỽynt a|drigyassant ar y meyssyd yn dryỻeu. Magda+
lans a ymchoelaỽd dra|e|gevyn. ac o|r ugein|ỻonglỽyth a doeth
a*|doeth* y·gyt ac ef. nyt aeth adref yr vn namyn dwy. y tir a
drigyaỽd yn hedỽch. a laỽnslot a|drigyaỽd yno dalym o|enkyt.
a|r bobyl o|r wlat yn|y garu yn vaỽr. ac yn kanmaỽl y vilwr+
yaeth a|e daeoni yn vaỽr ~  
M Egys y bydei arthur diwarnaỽt yn bwyta a|e vilw+
yr o bop parth idaỽ. ac yn|tybyeit kael ỻonydwch o+
blegyt ryuel. nachaf varchaỽc urdaỽl yn|dyuot y myỽn
ac yn sefyỻ geyr bronn arthur. heb ˄gyuarch gweỻ idaỽ o|dim. ac yn dy+
wedut. Arglỽyd heb|ef mae laỽnslot. A vnben heb y brenhin
nyt ydiỽ yn|y wlat honn. Myn|vyng|cret heb y marchaỽc ~
drỽc yỽ gennyf|i nat ydiỽ ef. Pa le bynnac y bo ef heb·yr arthur
y mae yn wr y mi ac o|m ỻys. Je heb y marchaỽc. brenhin
claỽdas yssyd yn anuon attat ti y gennyf|i y dywedut y vot
ef yn elyn y laỽnslotac y titheu o|e achaỽs ynteu os kynhely
ef o hynn aỻan. kanys ef a|ladaỽd elinans y nei uab y chỽ+
aer. ac a|ladaỽd y dat hevyt. eissyoes ny de   at ef y|r bren+
hin. onyt o gyuathrach. Ny wnn i heb·yr arthur pa|delỽ y
dechreuaỽd yr elynnyaeth y·ryngthunt ỽy. namyn hynn
a|wnn i vot y brenhin hỽnnỽ yn|kynnal ỻawer o gestyỻ y
rei a|dylyei vot yn dref·tat y laỽnslot. ac a ducpỽyt y gan
y dat. ac am hynny reit yỽ y baỽp geissyaỽ y wir dylyet. a
dywet ti y vrenhin claỽdas y gennyf|i. na ffaelyaf|i vyth y|m