LlGC Llsgr. Peniarth 11 – tudalen 235r

glỽyd nys|gỽydyỽn i ac nys|credaf|inneu yny profỽyf. Tydi

varchaỽc heb yr arglỽyd ỽrth laỽnslot gỽna yr arch a|wnaeth

ereiỻ o|th ulaen yma. Pa|ryỽ arch yỽ honno heb·y laỽnslot. ~

weldyma ytti heb yr arglỽyd vy merch i ot ỽyt gystal gỽr ac y

dylyych y chael. nyt oes yn|y byt ỽr o|r a|uei da ganthaỽ gael gỽ+

reic ny dylyei roi poen ar|y gorff y geissyaỽ honn racko. Pei te+

bygỽn inneu heb·y laỽnslot y rout ti hi ymi minneu a|e har+

chỽn hitheu yn ỻawen. Laỽnslot eissyoes a|oed yn|dywedut am+

gen noc yr|oed yn|y vedylyaỽ. Yna ef a|gyuodes y ovyn pa ryỽ ar+

uer oed a pha ffuryf y kaffei ef y verch. ac ỽynteu a|dangossass+

ant idaỽ y golovyn a|r cledyf yndi. Dos heb ef megys yd aeth

y ỻeiỻ y|rei a|ffaelaỽd ar eu|heneidyeu. ac ar vy merch inneu he+

uyt. am na eỻynt dynnu y cledyf racko o|r golovyn. Duỽ a|m

diangho heb·y laỽnslot rac y kyfryỽ diffyc hỽnnỽ. Laỽnslot

a|doeth tu a|r|golovyn gyntaf ac y gaỻaỽd. ac a|roes y dwylaỽ ar

dwrn y cledyf. ac a|roes hỽrd arnaỽ yny yttoed y golovyn gỽe+

dy gỽyraỽ. ac ynteu a|e dorr y vyny a|r cledyf yn|y|laỽ ym|perued

y|neuad. ỻawen vu gan yr vnbennes hynny. arglỽyd heb y vo+

rwyn araỻ y ỻeidyr racko a|ladaỽd dy vraỽt ti. ual kynt yr

hynny dilis yỽ mae vn|o|r marchogyon goreu o|r hoỻ vyt yỽ|ef.

ac o|gỽney di vyng|kyngor i ny wney di gadel idaỽ ef diangk.

ac alỽyssen yỽ y|lad. kanys os ỻedy. ti a iachaey y lawer dyn y ene  ̷+

it. Merch yr arglỽyd a vu anuodlaỽn y|r vorwyn am yd|oed yn|y

dywedut. ac edrych a|wnaeth hi ar|laỽnslot dan ucheneidyaỽ.