Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 224v

Ystoriau Saint Greal

224v

  ni ytti y wneuthur. ac ny bei hoff gael yn ka+
  ryat ni. a ni a|e kynnigyassam yt. a|thitheu o ach+
  aỽs dy vilwryaeth ny bu wiỽ gennyt dim y ỽrthym
  ni. a pha|delỽ y geỻy di wneuthur hyder y gymryt dim o|r
einym ni. pryt na|aỻem ninneu hyder ar y teu ditheu.
A vnbennes heb·y gỽalchmei ar dy gỽrteissi di y mae vy
hyder i ac aruer y pebyỻ. Ti a|dywedeist ym pan vryeist yr
aruer drỽc y ar y pebyỻ nat oed gỽrteissi ny cheffit y·ma y
myỽn. Gỽir a|dywedy heb·y gỽalchmei. eissyoes heb hi ef a|dy+
lyit ysgaelussaỽ gỽneuthur cwrteissi ytti. a|thalu mileindra
dros vileindra araỻ. Yma auory y dechreuir tỽrneimant ma+
ỽr. Y|r|ỻe y daỽ ỻawer o varchogyon urdolyon da. ac ef a|roir
y kylch eur y|r|goreu a|wnel ac a|digono yn|y tỽrneimant hỽnnỽ.
ac ef a|bery dridieu. a mi a|aỻaf warantu heb hi vot yn einỽch
chỽi y ỻettyeu goreu. ~  ~  
A C yna y ieuaf o|r morynyon a|edrychaỽd ar arthura|thi+
theu arglỽyd heb hi a|vydy di kyn estroneidyet ỽrthyf|i ac
y|mae gỽalchmei ỽrth y ỻaỻ. A vnbennes heb·yr arthur. gỽ+
naet walchmei yr hynn a|vynno. a minneu a|wnaf yn|ol vy
medỽl inneu. a|thu ac attat ti ny bydaf|i estron. namyn pob
ryỽ anryded o|r a|aỻỽyf y wneuthur mi a|e gỽnaf ytt. ac a|wnaf
dy hoỻ ewyỻys yn ỻawen. Duỽ a|dalo ytt heb yr unbennes. ỽrth
hynny heb hi ti a vydy uarchaỽc urdaỽl ymi yn|y tỽrneim+
ant avory. A vnbennes heb y brenhin ny wrthodaf|i hynny
o|th garyat ti. a ỻawen yỽ gennyf|i pei gaỻỽn wneuthur ~
peth a rangei vot ytt y wneuthur. kanys yr y morynyon y
dyly