Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 220r

Ystoriau Saint Greal

220r

ysprydyoed drỽc ynt ~  ~ ~  
N y aỻaỽd laỽnslot yr hynny beidyaỽ a mynet attunt. a thyn+
nu cledyf a|wnaeth ef. a tharaỽ yn eu plith. ac ỽynteu a|dy+
nessaassant o bop parth am y benn. ac ynteu yn ym·amdiffyn
yn|wraỽl yn|eu herbyn. dan drychu eu hetewynnyon tanỻyt
yny yttoed y glo tanỻyt hỽnnỽ yn neidyaỽ ar draỽs y ty. Yna
arthur a|gỽalchmei a|gyfodassant y vyny o amdiffyn laỽnslot
ac eu kuraỽ a|wnaethant ac eu|dryỻyaỽ yny yttoedynt yn|syr+
thyaỽ y|r ỻaỽr megys ỻudỽ o ulỽ ffagleu. a|r eneidyeu truein
a|oed yndunt a|welit yn vn ffunyt a|brein yn mynet trỽy nenn
y ty aỻan. a ryued vu ganthunt beth oed hynny. ac a|dywedas+
sant mae ỻyna le|drỽc aflonyd oed hỽnnỽ. Ac odyna y orffoỽ+
ys y* orffowys* yd|aethant. ac ny aỻassant nac ny chaỽssant ~
haeach o orffowys kynn y dyd. Ac yna kychwyn y vyny ac
a|adaỽssant y ỻe hỽnnỽ. a marchogaeth a|wnaethant ỽy yn
hyt y|dyd hỽnnỽ. drỽy fforestyd ynyal dyry*.  Ac yn|y diwed ỽynt
a|arganuuant gyuanned y ỽrthunt. a|thu ac yno y|doethant. ac
yn ymyl y ty disgynnu a|orugant. a|dyuot y myỽn. a|phan doe+
thant. ỽynt a|welynt yno marchaỽc urdaỽl a|gỽreic dec y·gyt.
ac ef. Ac yna y|marchaỽc a|dywaỽt ỽrth laỽnslot. Myn uym
penn i heb ef myui a|th atwaen di yn hyspys. kanys ti a|les+
teiryeist ym gael yr|hynn mỽyaf a|gereis o|r hoỻ vyt. ac o|m
anuod ti a|bereist ym briodi y|wreic honn yma. yr|honn ny  ̷
chafas yr hynny etto chweith ỻewenyd y gennyf|i. ac nys keiff
byth. A vnben heb·y laỽnslot gỽna yr hynn a|vynnych am·da+
nei kanys ti bieu. ac ny pharỽn i ytti y|phriodi hi pany bei y