LlGC Llsgr. Peniarth 11 – tudalen 217r

a mi a|archaf ytti yr|duỽ. os ytti y perthyn y neb pioed y penn neu

bỽy bynnac o|r ỻys a|e hagoro. y gadỽ hyt ym|penn y deudecuet dyd

gỽedy delych o|r greal. a|vnbennes heb y brenhin pa|delỽ y gỽybyd neb

pa|ryỽ wr oed y marchaỽc. Arglỽyd heb hi y neb a|agoro y pren+

uol ef a|dyweit kỽbyl o|r gỽir megys y bu amdanaỽ. Yna y brenhin a

erchis idi vynet y eisted ac y vỽyta. a|e|hanrydedu yn vaỽr a|wnaeth+

pỽyt. A|phan|daruu idi vwyta hi a|doeth geyr bronn y brenhin.

Arglỽyd heb hi kỽpla dy edewit. Yn|ỻawen heb ef. yna efo a|roes y|laỽ

ar y prenuol. ar|uedyr y agori ac nys gaỻaỽd. ac yr aỽr y roes ef y laỽ

arnaỽ ef a|doeth chwys idaỽ yn vn ffunyt. a|phei|darffei y wlychu a

dỽfyr. a|ryued vu gan arthur hynny. A gỽedy hynny laỽnslot a|e

proves. ac odyna gỽalchmei. a chỽbyl o|r ỻeiỻ y am benn hynny. ~

Kei hir a|oed yn gỽassanaethu. ac a|gigleu daruot y arthur a|chỽbyl

o|r|ỻys geissyaỽ agori y prenuol a|e vethu arnunt. a|dyuot a|oruc yn+

teu heb dyvyn o|r|byt arnaỽ. kei heb·yr|arthur dabre yma. neur dar+

oed ym dy|adel dros gof. Myn vyng|cret heb·y kei ny dylyut ti ~

vyth vyng|gadel i dros gof. kanys kystal milỽr oedyỽn i a|r ỻe+

iỻ a|e profes. kei heb y brenhin ot egyr y prenvol ac o ỻedeist di y

marchaỽc bieu y penn yssyd yndo ef a|wybydir arnat. ac myn

duỽ ny mynnỽn i y agori ef y|gennyf|i. kanys ny bu eiryoet yn varch+

aỽc urdaỽl yr tlottet uei ny bei idaỽ ryỽ dyn. a|thitheu nyt ỽyt ga+

redic di y gan baỽp. Myn vym|penn i heb·y kei myui a|vynnỽn vot

gynneu y geniuer vn ac a|ledeis i yn|y neuad onyt penn. vn. A

ỻythyr yn menegi panyỽ myui a|e|ỻadassei. a|gỽedy hynny tydi

a|gredut vy mot i ual yd wyf o achaỽs ereiỻ ny chredant vy mot

yn|gystal ac yd|wyf. Ac ar hynny y doeth ef geyr|bronn yn|ỻe yd|oed

y|prenuol.