Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 201r

Ystoriau Saint Greal

201r

kanys selyf a|dyweit pan|yỽ pa vn bynnac a|ymeỻdigo araỻ y
mae yn|y ymeỻdigo e|hun. arglỽyd vab hi. y casteỻ a|r glynn a
wely di a|dyly bot yn|dy uedyant ti gyt a|e|perthyneu. a hynny
o|wir dreftadaỽl dylyet ytt. ac am hynny anuon di ar arglỽyd y
corsyd yr|hỽnn a|duc y gennyt ti dy fforestyd a|th dref tat y erchi
idaỽ y|dalu ytt drachevyn. amdanaf|i ny|m taỽr i beth a|wnel|ef
kanys nyt reit ym ỽrth tir beỻach vyth. kanys mi a wnn na
bydaf vyỽ i haeach gỽedy marỽ vy mraỽt. o achaỽs yr hynn
y mae vyng|caỻon wedy|r dorri o|dristit. a mi a dywedaf ytti
vy mab vot arnat ti bechaỽt maỽr am y angeu ef. kanys
o|th achaỽs di y digỽydaỽd ef myỽn yr|heint. ac am na o+
vynneist beth a|arỽydockaei seint greal y bu varỽ. 
P aredur a|warandawaỽd yn hir ar y vam ac nyt atte+
baỽd ef idi hi o|dim. eissyoes cof oed ganthaỽ ef bop
peth o|r a|dywaỽt hi. Ac yna y perit tynnu y arueu y amda+
naỽ ef. a gỽisgaỽ diỻat yn|y gylch. ac nyt oed yng|kỽbyl o|r
hoỻ vyt marchaỽc urdaỽl degach na gỽeỻ gỽeith pob aela+
ỽt idaỽ noc oed ef. Arglỽyd y corsyd eissyoes a|debygassei
y caỽssoedyat ef y casteỻ yn diwrthwyneb. ac ef a gigleu
dyuot paredurac yr|hynny ny|wyr|duỽ symlu arnaỽ ef o
dim o|e darpar. ac nyt eiryachaỽd ef yr hynny varchoga+
eth ym|pob ỻe. a|dywedut y mynnei ef y casteỻ o|e anuod ef.
a diwarnaỽt yd aeth vn o|r pump marchaỽc urdaỽl y|r co+
et. y hely carỽ. A gỽedy daruot idaỽ ỻad y karỽ. ef a doeth
drachevyn parth a|e gartref a|r helwyr y·gyt ac ef. pan gy+
uaruu arglỽyd y corsyd ac ef. a|dywedut ỽrthaỽ mae ry|hy
oed idaỽ dyuot y hely y fforest ef. a|r marchaỽc a|e hatteba+
[ ỽd