Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 192r

Ystoriau Saint Greal

192r

yn anrydedus. kanys nyt aeth eiryoet o le ar y bei onyt drỽy
enryded. Yma y|mae yr ymdidan yn tewi am laỽnslot. ac ym+
choelut ar walchmei. ~  ~  ~  
E Ma y mae yr ymdidan yn dywedut uot gwalchmei yn
drist am nat adnabu paredur gỽedy ymgaffel ac ef teir
gỽeith. a cherdet a|oruc ef yny doeth hyt y groes yn|y ỻe y dywa+
ỽt laỽnslot yd arhoei ef o|r deuei yno yn gynt noc ef. ac yn|y
fforest honno y bu ef mỽy noc wythnos yn aros laỽnslot heb
gael un chwedyl y ỽrthaỽ. o·nyt elei drachevyn y lys arthur.
Ac yna ymchoelut a|wnaeth ef y|r fforestyd. ac a dynghaỽd nat
ymchoelei dra|e|geuyn vyth yny gaffei ae laỽnslot ae paredur.
A marchogaeth a|oruc ef. yny doeth y ueudwydy Joseus. Ac y+
no disgynnv a|oruc ef. a|r meudỽy ieuanc a doeth yn|y erbyn
ac a|e hadnabu ac a|vu laỽen ỽrthaỽ. Yna gỽalchmei a ovynna+
ỽd idaỽ y ỽrth baredur. a|r meudỽy a dywaỽt nas gỽelsei ef yr
kynn bot y vatteil yn|y ỻannerch goch. ae ny wdost di am+
gen no hynny heb·y gỽalchmei. Na wnn myn|duỽ heb y me+
udỽy. ac megys y|bydynt ỽy yn ymdidan ueỻy. ỽynt a|we+
lynt marchaỽc urdaỽl ˄ac arueu o liỽ assur ymdanaỽ. ac yn dis+
gynnu ar uedyr ỻettyu yno. a|r meudỽy a|vu lawen ỽrthaỽ.
Yna gỽalchmei a|o·vynnaỽd idaỽ ae welsei ef varchaỽc a|e
arueu yn wynnyon. Mi a|e gỽeleis ef. heb ef ac a|ovynnaỽd y
mi a welsỽn inneu marchaỽc a|tharyan o sinapyl idaỽ ac e+
ryr eur yndi. a minneu a|dywedeis nas gỽelsỽn. a|minneu
a|ovynneis idaỽ ynteu paham y govynnei ef. ac ynteu a|dyỽ+
aỽt y uot yn ymwan ac ef yn|y ỻannerch goch. ac nat ym+
wanaỽd ac ef eiryoet gỽr vỽy o vilỽryaeth yndaỽ noc ef. onyt