Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 188r

Ystoriau Saint Greal

188r

naỽt ar untu yn|y mod hỽnnỽ. Yna y vorwyn a|oed gyt a| ̷
elor veirch a|doeth y ovyn y|r kyffredin pỽy oreu yn|y tỽrneim+
ant. kanys y marchaỽc a oed yn|yr elor ny anghei y gorff my+
ỽn daear. yny gaffei a|e|dialei. Ac ỽynteu a dywedassant pa+
nyỽ y marchaỽc a|r daryan wenn a|r marchaỽc a|r|daryan o|sino+
pyl. a|r eryr eur yndi a|vuassynt oreu. Ac o achaỽs bot yn
gynt y dechreuassei y marchaỽc a|r darean wenn y tỽrneimant
no|r ỻaỻ y barnỽyt idaỽ ef y glot. Eissyoes tra vuassei walch+
mei yn hynny kystal oed edef a|r goreu. yna yr vnbennes a
aeth y geissyaỽ y marchaỽc a|r daryan wenn ar hyt kỽbỽl o|r
pebyỻeu. ac neur athoed ef ymeith. a hitheu a aeth att walch+
mei. ac a|dywaỽt. Arglỽyd heb hi ny chefeis i y marchaỽc a|r
daryan wenn etto. kanys ef a|aeth ymeith. ac am hynny ar+
nat ti y disgyn dial y gỽr hỽnn. A vnbennes heb·y gỽalchmei
kewilyd kymeint a|hỽnnỽ nys gỽney di ymi. kanys barnwyt
efo yn weỻ no myui. ti a|wdost nat oed enryded ymi kymryt ar+
naf hynny. a thi a dywedeist heuyt na dichaỽn neb y dial ef
onyt y goreu yn|y tỽrneimant hỽnn. a goreu vu ynteu myn
duỽ kanys myui a|e gỽybuum ac a|e profeis. Y vorwyn a|wy+
bu vot gỽalchme˄i yn|dywedut gỽir. Och arglỽyd heb hi ot aeth
ynteu ymeith ryuedaf gỽr a|weleis i eirmoet a|goreu ˄oed ynteu o|r
byt. ac ny|s caffaf|i efo yn·nes diodef ỻawer o boen a|pherigyl
arnaf. Pa delỽ heb·y gỽalchmei y gỽdost ti y vot ef yn oreu.
Am y vot heb hitheu yn ỻys brenhin peleur. yr|hỽnn yr|ym+
dangosses seint greal idaỽ. o achaỽs daet y vilỽryaeth a grym+
der y gaỻon a|diweirdeb y gorff. Ac yr aỽr·honn y doeth ef o|lys
arthur. ac y|duc y·gyt ac ef taryan odyno yr|honn nyt oed ~