Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 17r

Ystoriau Saint Greal

17r

ac a|e crogassant drỽy dysgedigaeth y gwas drỽc. o|r|achaỽs ẏ
doeth uaspasianus. ac y distrywaỽd y saỽl a|oed yn credu y duỽ
yn|yr amser hỽnnỽ. Ac ueỻy y geỻi* kyffelybu y bed a|e galedỽch
y|r byd am|gredyf duỽ. a|r korff y|r bobyl yssyd yndaỽ. y ỻef yn+
teu a deuei o|r|bed a|arỽydokaa parabyl doluryus yssyd yn|y
groclith pan|esgussodes pilatus am Jessu grist ỽrth y bobyl. drỽy
gymryt dỽfyr y ymolchi. a|dywedut diargywed ỽyf|i heb ef
o|waet y gỽirion hỽnn. ac ỽynteu a|e hattebassant ef yn
druan. ac a|dywedassant. Bit y waet ef heb ỽynt arnam
ni ac ar an plant. a|ỻyna y parabyl a|wnaeth y baỽb co+
ỻi y lef a|e nerth a|e synhỽyr; a|ỻyna ual y geỻy di gỽelet
deaỻ y tri|pheth hynny. a phany bei dy dyuot ti ny pheit  ̷ ̷+
yei y damchweinyeu a|weleist ti vyth. A|phan weles y dryc+
yspryt dy uot ti yn lan yn|dyuot ac yn|dynassau* attaỽ ef. ny
lyuassawd ef dy aros di megys yd arhoei y pechaduryeit.
Ac yna y ffaelyaỽd yr antur yr honn ny byd yma beỻach
vyth. ac yno y nos honno y bu galaath. ~ ~ ~ ~  
A |thrannoeth y bore y gỽnaeth ef yr ysgỽier yn var+
chaỽc urdaỽl. gỽedy gỽylyaỽ ohonaỽ yn yr eglỽys
y nos gynt ual yr|oed defaỽt yn|yr amser hỽnnỽ. Ac yna
galaath a|ovynnaỽd idaỽ pioed mab. a|phỽy oed y henỽ.
ac ynteu a|dywaỽt panyỽ melian oed y henỽ. a|mab oed
ynteu y vrenhin o|r mars. kanys mab y vrenhin ỽyt heb
y galaath. edrych a rac·vedylya dy vot yn uarchaỽc urdaỽl
kywir y|duỽ. Arglỽyd heb ynteu os|da gan duỽ mi a|e rac+
uedylyaf. ac yna galaath a|wisgaỽd y|arueu ar|uedyr mynet
ymeith.