LlGC Llsgr. Peniarth 11 – tudalen 171v
Ystoriau Saint Greal
171v
A* thynnu y waeỽ a|wnaeth ef heb y dorri. Ac yna y ỻeỽ a neit+
yaỽd y vyny ar y vynỽgyl ynteu. Ac yna ymdrech a|wnaeth
ef a|r|ỻeỽ megys deu ỽr. Ac yna y ỻeỽ a|wasgaỽd clamados. a
phan y goỻyngaỽd. ef a rỽygaỽd y luric o bop pa˄rth idaỽ. yny
duc kỽbỽl o|r kic a|r croen fford y kerdaỽd a|e ewined. Pan ̷
wybu clamados y vriwaỽ yn|drỽc. ef a|dỽblaỽd y hyder yn
gymeint ac y bu reit idaỽ roi breuerat aruthyr. Ac yna
clamados a|e bỽryaỽd ydanaỽ y|r ỻaỽr. ac a|dynnaỽd y
gledyf ac a|e brathaỽd trỽydaỽ. ac ar hynny torri y benn.
A gỽedy hynny a|e croges ar borth y veistyr. ac esgynnu
ar y varch a|oruc ef. ac yna yr unbennes a|dywaỽt. arglỽ+
yd heb hi ti a|vriweist yn drỽc. a|vnbennes heb ef. os da
gan duỽ nyt oes vn|drỽc arnaf. Ac ar hynny nachaf w+
as ieuanc yn dyuot o|r neuat aỻan. ac yn dyuot yn|y ol.
Arglỽyd heb·y gỽas ti a|wnaethost vileindra maỽr pan|led+
eist ỻeỽ y marchaỽc urdaỽl kỽrteissyaf o loegyr. a grym+
mussaf. ac yr amarch idaỽ y crogeist ti y penn ual hynn.
a gormod o|draha oed ytti wneuthur hynny. A vnbenn heb+
y clamados. ef a|r|aỻei bot yr|arglỽyd yn|gỽrteis. Eissyoes
y ỻew nyt oed gỽrteis namyn milein. pan vynnei lad hynn
oỻ o ffordolyon. a chanys carei dy veistyr di y ỻew. ef a|dyl ̷+
yassei y roi myỽn cadwyn. a gỽeỻ yỽ gennyf. daruot y
mi y lad ef no ỻad o·honaỽ ef vyui. Arglỽyd heb y gỽas
nyt oed fford honn namyn tir a|ryuel arnaỽ. ac yd ys
yn mynnv y dỽyn y gan vy arglỽyd i. ac yr cadỽ y|dir
rac y elynyon y goỻyngaỽd ef y ỻeỽ o|e gadỽyn. Pỽy henỽ
| « p 171r | p 172r » |