Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 170v

Ystoriau Saint Greal

170v

eiryoet marchaỽc urdaỽl ny bei gymennach no gỽas neu wre+
ang. ac am hynny yr ỽyf|i y|th ganmaỽl di ar y|wneuthur ef yn  ̷
varchaỽc urdaỽl. kanys ef a|th ogenyt ti os nackaut. Ef a|reingk
bod ymi hynny arglỽydes kanys da gennyt titheu heb·y gwalch+
mei. Ac yna y gỽnaeth arthur ef yn uarchaỽc urdaỽl. A|phann
daruu idaỽ wisgaỽ ymdanaỽ. ef a|dywedei y rei o vyỽn y ỻys na
welsynt eiryoet uarchaỽc degach noc ef. Gỽedy hynny ef a|dric+
yaỽd yn|y ỻys yn|hir. ac yn anrydedus gan y brenhin a|r v˄ren+
hines a chan gỽbỽl o|r barwnyeit. Ac ar hynny yr yttoed yn gỽ+
ylyaỽ y ỻys am dyuotyat y marchaỽc idi yn ol y daryan. eissy+
oes yr amser ny dathoed etto na|r kyflỽr. a phryt na weles ef y
marchaỽc yn|dyuot. ef a|gymerth kennyat y brenhin ac a a+
eth ymeith. ar uedỽl mynet y ymroi ym milwryaeth ac y geis+
syaỽ anturyeu yny glywei chỽedyleu y ỽrth y elyn. a marcho+
gaeth a|oruc ef drỽy fforestyd ueỻy. a tharyan goch idaỽ me+
gys yd oed o|e dat. ac yn aruaỽc o bop arueu megys yr amdiff+
yn y gorff. Ac uelly marchogaeth a|oruc yny doeth y dibenn
y fforest. ac arganuot fford rỽng deu vynyd a|oruc. ac edrych
o|e vlaen. ac arganuot teir vnbennes. ac vn onadunt a|oed
yn gỽediaỽ duỽ. ar anuon kanhorthỽy udunt. oc eu|hanuon
dros y mynyd a|r|kyfle periglus a|oed oc eu blaen. Yna clama+
dos a|e kigleu ỽynt. Ac yna pan welsant hỽy efo. ỻawen uvant
a|chyuodi yn|y erbyn a|e rassaỽu. ac ynteu a dywaỽt. antur
da a|rodo duỽ y chỽitheu. Yd ym ni arglỽyd heb y morynyon ~
yn aros dyn a|lyuasso yn|hebrỽng dros y|mynyd racko. yssyd
le periglus megys na lefeis neb uynet idaỽ. Pa ryỽ le yỽ hỽn  ̷ ̷+
nỽ