Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 15v

Ystoriau Saint Greal

15v

Ac yna galaath a|ovynnaỽd y|r myneych pa|le yd|oed yr en+
ryuedaỽt a|dywedassit ỽrthaỽ y uot yno. Pony ỽdost ti heb
yr vn o|r myneych pa ryỽ enryuedaỽt yỽ hỽnnỽ. Na|ỽnn etto
A C yna vn o|r myneych a|dyw + heb y|galaath ~
aỽt ỽrthaỽ panyỽ ỻef a|oed yn|daly ar dyuot drỽy vn o| ̷
bedeu yn|y vynnỽent yn gymeint y gedernyt ac nat oed neb
o|r|a|e|clywei ny choỻei y|nerth a|e gof a|e synnwyr hyt ym|penn
talym o amser. a|r ỻef hỽnnỽ a|debygem ni y uot oblegyt
meistyr uffern. Dangossỽch ymi heb y galaath y|ỻe hỽnnỽ.
Ac yna kerdet a|orugant yny doethant hyt y vynnwent. y bed
hỽnnỽ heb y mynach yssyd adan y prenn maỽr a|wely di raco.
a|dos di heb ef a|dyrchaf y maen yssyd ar y|bed y|vyny. a mevyl
im ony wely yno beth a|vo ryued gennyt. Yna galaath a|do+
eth tu ac yno. a|phan dynessaaỽd ef parth ac att y bed. ef a
glywei ryỽ gynnỽryf maỽr. a|thrỽy hỽnnỽ cri vn yn dywe+
dut megys y gaỻei baỽp y glybot. Ha|galaath gỽas iessu grist
na dynessa attaf yn nes no hynny. kanys o|r|dynessey di ny
bydaf|i yma. Pan gigleu galaath hynny. ny symudaỽd arnaỽ
dim. namyn dyuot racdaỽ ac ymauael a|r maen. ac yno ef a
welei mỽc maỽr yn dyuot aỻan. ac yn|y mỽc fflam athrugar
y meint. ac yn|y fflam delỽ gỽr aruthyr y veint a|e anuerthet.
Ac yna ymgroessi a|oruc galaath. kanys ef a|wydyat panyỽ
gelyn dynyaỽl oed. ac yno ef a|glwei* ỻef yn dywedut ỽrthaỽ.
Ha|galaath santeid. fford y wirioned. amgylchynedic o eng  ̷+
ylyon. yr hỽnn ny dichaỽn vyng|gaỻu i parhau yn|y|erbyn.
Ac ar hynny galaath trỽy roi arwyd y groc arnaỽ. a|dyrchafa  ̷+
ỽd