LlGC Llsgr. Peniarth 11 – tudalen 154r
Ystoriau Saint Greal
154r
D vỽ a|dalo ytt heb·y gỽalchmei kanys synhwyreist ym
yr hynn yr oedyỽn yn|y vedylyaỽ yr ys talym. ac yn|ryue+
du am·danaỽ. Eissyoes ryued etto yỽ gennyf am varchaỽc
yr hwnn a|ladaỽd y wreic o|m|achaỽs i. ac nys haedassei hi dim
o|e hangeu. Arglỽyd heb yr offeiryat ỻewenyd maỽr a synhỽy+
ra y hangeu hi. kanys iosep a|dywaỽt yni panyỽ o achaỽs
gỽreic y diuawyt yr hen gret. ac o achaỽs dyrnaỽt a gỽaeỽ.
Ac yr|diua yr hen gret y diodefaỽd crist roi dyrnaỽt idaỽ a
gỽaeỽ. ac ar y dyrnaỽt hỽnnỽ y|diuawyt yr hen ffyd. a|r wre+
ic a|gyffelybir y|r hen ffyd. Arglỽyd heb·y gỽalchmei ef a gy+
uaruu a|mi varchaỽc yn marchogaeth a|e wyneb ar bedre+
in y varch. a|chỽrr y daryan y vyny. Ac yr aỽr y gỽeles ef vy+
ui ef a ym·gỽeiryaỽd yn iaỽn. ac a uarchockaaỽd megys march+
aỽc araỻ. Gỽir yỽ heb yr offeiryat. y ffyd gynt a|gyffelybir y|r
marchaỽc hỽnnỽ. kanys yr hengret gynt a|oed ar|y gỽrthwy+
neb kynn diodefedigaeth yr arglỽyd ar y groc. ac yr aỽr y di+
odefaỽd ef. hi a|aeth yn|y ỻe yn iaỽn. Arglỽyd heb·y gỽalchmei
ef a doeth marchaỽc y ymwan a|mi o achaỽs marius eidic. a|r
neiỻ hanner o|e daryan yn wynn a|r|ỻaỻ yn|du. a myui a|orvu+
um arnaỽ ef. Jaỽn heb yr offeiryat oed ytt y vỽrỽ ef. Y march+
aỽc hỽnnỽ a|gyffelybir y|r henffyd heuyt. kanys deu hanner
oed. a|thrỽy y gret newyd y diuawyt yr hen. ual y goruvost di+
theu arnaỽ ynteu am y vot ar gam. Arglỽyd heb·y gỽalchmei
ryued yỽ gennyf am vab bychan yr hỽnn a|weleis yn march+
ogaeth ỻeỽ. ac ny lyuassei neb dynessau attaỽ onyt y mab e
hun. ac nyt oed o|oet arnaỽ mỽy no seith mlỽyd. Y mab hỽnnỽ
| « p 153v | p 154v » |