Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 14v

Ystoriau Saint Greal

14v

nac ef na nacies na|e niuer vynet drachevyn vyth y eu
gỽlat. namyn trigyaỽ yno y·gyt a iosep a|e gedymdeithy  ̷+
on. a|cherdet y fford y kerdynt ỽynteu. A|phan vynnaỽd
duỽ teruynv ar hoedyl Josep. ef a|doeth moradrins. ac a
wylaỽd yn drut kanys gỽydyat y bydei varỽ. ac a|dywaỽt
ỽrthaỽ. arglỽyd gedymdeith heb ef kanys yt|ỽyt y|m gadaỽ.
a|thitheu yn mynet. beth a|edewy ditheu ymi ual nat el
dy gof y gennyf. kanys mi a|edeweis vyn|tir a|m daear
a|m gwlat a hynny oỻ o|th garyat ti. Arglỽyd heb y Jo+
sep mi a adaỽaf yn ỻawen itt beth ohonaf vy|hun. Ac y+
na ef a|erchis y voradrins dỽyn attaỽ y daryan a|rodassei
ef idaỽ pan ymladassei a|tholomeusac ynteu a|e duc hi at  ̷+
taỽ ef kanys nyt oed beỻ y ỽrthaỽ kanys yn|y ganlyn y byd+
ei y fford y kerdei. a|phan|doeth y daryan att iosep ef a|syrthya+
ỽd gỽaetlin arnaỽ heb aỻel y ostegu o neb ryỽ fford. Ac y  ̷+
na ef a|gymerth y daryan. ac a|wnaeth croes goch arnei
yr honn a|wely di yma yr aỽr·honn. a|gỽybyd di yn|ỻe gỽir
mae weldy yma y daryan honno. ac yna Josep a|dywaỽt ỽrth+
aỽ. weldy yma heb ef yr hynn yd wyfi yn|y adaỽ ytti ual y del
cof itt vyvi vyth. a thitheu a eỻy wybot mae a|m gỽaet i y
gỽnaethpỽyt y groes honn. a hi a vyd vyth yn gyn|decket ac
yn gyn newydet ac y mae yr aỽr·honn. ac y·gyt a|hynny he+
uyt gỽybyd yn ỻe gỽir na|s|ryd neb am y vynỽgyl ar ny bo
ediuar ganthaỽ. o·nyt galaath e|hun. y marchaỽc urdaỽl di+
wethaf o genedylyaeth nacien. ac am hynny na vit neb kyn
ehofnet ac y|kymero y daryan honn onyt y neb y dospartho